Aksııa otyrysyna Senat depýtaty Nurtóre Júsip tóraǵalyq etti.
«Bul tańdaý – tarıhı jadyny jańǵyrtyp, ulttyq rýhty tereńdetýge baǵyttalǵan ortaq sheshim» dedi ol.
Jıynda Ulttyq akademııalyq kitaphana basshysy Kúmis Seıitova sóz alyp, aksııanyń qalyptasý jolyna keńinen toqtaldy. Onyń aıtýynsha, «Bir el – bir kitap» respýblıkalyq aksııasy Mádenıet jáne aqparat mınıstrliginiń qoldaýymen Ulttyq akademııalyq kitaphana men Qazaqstannyń kitaphanalar qaýymdastyǵynyń uıymdastyrýymen 2007 jyldan beri jyl saıyn ótkizilip keledi.
«Bir el – bir kitap» aksııasy: Bıyl qandaı shyǵarmalar daýys berýge usynyldy?
2007 jyly aksııa alǵash ret Abaıdyń qara sózderin oqýdan bastaldy. Sol kúnnen bastap qazaq ádebıetiniń 50-den astam aqyn-jazýshysynyń úzdik shyǵarmalary oqyrman qaýymyna usynyldy. Atap aıtar bolsaq, aksııa aıasynda Abaıdyń qara sózderi (2007 jyl), Muhtar Áýezovtiń «Qıly zamany» (2008 jyl), Maǵjan Jumabaevtyń óleńderi (2009 jyl), Juban Moldaǵalıevtyń «Men qazaqpyn» kitaby (2010 jyl), Júsipbek Aımaýytovtyń «Aqbilegi» (2011 jyl), Oralhan Bókeıdiń shyǵarmalary (2012 jyl), Farıza Ońǵarsynovanyń «Daýasy» (2013 jyl), Saıyn Muratbekovtyń «Jýsan ıisi» (2014 jyl), Ilııas Esenberlınniń «Kóshpendileri» (2015 jyl), Dýlat Babataıulynyń «О́sıetnamasy» (2016 jyl), Sultanmahmut Toraıǵyrovtyń shyǵarmalary (2017 jyl) oqyldy. 2018-2025 jyldary Shákárim Qudaıberdiulynyń shyǵarmalary, Baýyrjan Momyshulynyń «Ushqan uıasy», Nemat Kelimbetovtiń «Úmit úzgim kelmeıdi» kitaby, Ábish Kekilbaevtyń «Ańyzdyń aqyry» romany, Ábdilda Tájibaev óleńderi, Ánýar Álimjanovtyń «Ustazdyń oralýy», Muhtar Áýezovtyń «Abaı joly» roman-epopeıasy, sondaı-aq Ahmet Baıtursynulynyń, Tólen Ábdiktiń, Berdibek Soqpaqbaevtyń, Jumeken Nájimedenov pen Táken Álimqulovtyń shyǵarmalary oqyldy.
Aıta keteıik, jyl kitabyn tańdaý jumysy eki kezeń boıynsha júzege asyryldy. Birinshi kezeńde respýblıkalyq jáne óńirlik kitaphanalar arasynda saýalnama júrgizilip, oqyrman suranysy men usynystary negizinde aldyn ala kitaptar tizimi quryldy. Al ekinshi kezeńde usynylǵan tizim ishinen jyl kitaby tańdalyp, bekitildi.
