Foto: Oqu-agartu ministrligi
Jańa sıfrly sheshim balalardyń psıhoemosııalyq jaǵdaıyn júıeli túrde baqylaýǵa múmkindik beredi. Platforma psıhologııalyq jáne minez-qulyqtyq qaýip-qaterlerdi anyqtap qana qoımaı, balanyń jaǵdaıyndaǵy ózgeristerdi dınamıkada qadaǵalaýǵa jaǵdaı jasaıdy. Sonyń nátıjesinde qoldaýdy qajet etetin balalarǵa úzdiksiz ári nysanaly kómek kórsetý tetigi qalyptasady. Úderisterdi sıfrlandyrý arqyly kórsetiletin kómektiń biryńǵaı baǵyty aıqyndalyp, vedomstvolar arasyndaǵy qaıtalanatyn fýnksııalar qysqarady, al mamandarǵa túsetin kásibı júkteme ońtaılandyrylady.
Elimizde alǵash ret pedagogterdi psıhologııalyq qoldaý kabıneti ashyldy
Tujyrymdama sheńberindegi basty basymdyqtardyń biri – pedagog-psıhologtar ınstıtýtyn júıeli túrde damytý. Osy maqsatta bilim berý uıymdarynda balalardyń áleýmettik jáne emosııalyq daǵdylaryn qalyptastyrýǵa baǵyttalǵan arnaıy pedagog-psıholog saǵatyn engizý kózdelip otyr. Bul balalardyń óz emosııasyn basqarý, qarym-qatynas ornatý jáne kúızelis jaǵdaılaryna tózimdi bolý qabiletin arttyrýǵa baǵyttalady.
Sonymen qatar zorlyq-zombylyqtan zardap shekken balalarǵa arnalǵan kómek kabınetteri ashylady. Bul keńistikterde balalar kásibı psıhologııalyq qoldaýdy qaýipsiz ári qolaıly jaǵdaıda ala alady.
250 myńnan astam adam psıhologııalyq qoldaý ortalyqtaryna júgingen
Elimiz boıynsha pedagog-psıhologtarǵa arnalǵan biryńǵaı kásibı standarttar men biliktilik talaptaryn qaıta qaraý josparlanyp otyr. Qazirgi zaman syn-qaterlerin eskere otyryp, mamandardyń biliktiligin mindetti túrde arttyrý engiziledi. Bul jumys daǵdarystyq jaǵdaılarmen, sondaı-aq sıfrly ortadaǵy táýekeldermen tıimdi jumys isteýdi qamtıdy.
Keıs menedjment ınstıtýtyn damytý da nazardan tys qalmaıdy. Bul baǵytta pedagog-psıholog bala men onyń otbasyn keshendi súıemeldeýdiń negizgi qatysýshysyna aınalyp, túrli qyzmetter arasyndaǵy úılestirýshi ról atqarady.
Balalardy qorǵaý júıesinde vedomstvoaralyq yqpaldastyqty kúsheıtý de mańyzdy mindetterdiń biri. Atap aıtqanda, qylmystyq prosess sheńberinde zardap shekken balalar men zorlyq-zombylyqtyń kýágerlerin súıemeldeýge psıhologtardyń mindetti túrde qatysýy qamtamasyz etiledi. Bul balanyń psıhologııalyq ahýalyn eskerip, onyń quqyqtary men múddelerin jan-jaqty qorǵaýǵa múmkindik beredi.
Jalpy alǵanda, kózdelgen sharalar júıeli profılaktıkaǵa kóshýge, pedagog-psıhologtardyń kásibı mártebesi men turaqtylyǵyn arttyrýǵa jol ashady. Eń bastysy, turǵylyqty jerine qaramastan árbir balaǵa ýaqtyly, kásibı jáne úzdiksiz psıhologııalyq kómek kórsetýge negiz qalaıdy.
Psıhologııalyq qoldaý ortalyqtaryna byltyr qansha adam júgindi?
