Kesh barysynda qazaqtyń dástúrli án ónerin asqaqtatqan tulǵanyń repertýaryndaǵy tańdaýly týyndylar shyrqalyp, kórermen qaýym rýhanı áserge bólendi. Sahnada ulttyq ónerdiń órisin keńeıtip júrgen ánshiler Dánesh Raqyshevtyń shyǵarmashylyq murasyn jańǵyrtyp, onyń oryndaýshylyq mektebiniń ereksheligin aıshyqtaı tústi.
Oqı otyryńyz: Dánesh ekken dán
Fılarmonııa dırektory Samat Jeksenbaev mereıtoılyq keshtiń mańyzyna toqtalyp: «Dánesh Raqyshev – qazaqtyń dástúrli án ónerin bıik deńgeıge kótergen biregeı tulǵa. Onyń shyǵarmashylyǵy – ulttyq rýhanııatymyzdyń asyl qazynasy. Búgingi kesh – sol murany jas urpaqqa nasıhattap, halyq júreginde qaıta jańǵyrtýǵa arnalǵan taǵzym», dedi.
Keshke kelgen kórermender de erekshe áser alǵandaryn jasyrmady.
«Dánesh aǵamyzdyń ánderi – tunyp turǵan tarıh pen taǵdyr. Búgin sol ánderdi jandy daýysta tyńdap, erekshe tolqydym. Osyndaı keshter jıi uıymdastyrylsa eken», deıdi qala turǵyny.
Taǵylymdy shara ulttyq ónerdi ulyqtap, dástúrli ánge degen kórermen yqylasynyń joǵary ekenin taǵy bir márte kórsetti.
