Halyq tańdaýy adastyrmaıdy

Búginde Qazaqstan halqy Assambleıasy Keńesiniń 2015 jyly Prezıdent saılaýyn ótkizý týraly bastamasy jalpyhalyqtyq qoldaýǵa ıe bolyp otyr. Bastamaǵa kásiporyndar men túrli uıymdardyń eńbekkerleri, qoǵamdyq birlestikter men óner ujymdarynyń ókilderi, stýdent jastar, sondaı-aq, sheteldik saıasatkerler ún qosýda. Olardyń barlyǵy álemdik ekonomıkalyq daǵdarysty eńserip, el ekonomıkasyn ári qaraı damytýda Elbasynyń janyna toptasý asa mańyzdy ekenin atap ótýde. Búgin sol pikirlerdiń bir tobyn oqyrman nazaryna usynyp otyrmyz. Sıdhart SAKSENA, Kembrıdj ýnıversıteti ja­nyndaǵy Ortalyqazııalyq fo­rýmynyń jetekshisi: – Qazaqstanda kóptegen ózge elder úshin naqty mysal bolatyn óte tıimdi turaqtylyqtyń modeli qalyptasqan. Men Qazaqstan halqy Assambleıasy Keńesiniń osy jyly Prezıdent saılaýyn ótkizý týraly Úndeýin mańyzdy bastama dep esepteımin. Ol turaqtylyqty saqtaýǵa jáne el ekonomıkasyn damytýǵa múmkindik beredi. Sondyqtan da, men 2015 jyly saılaý ótkizý Qazaqstan úshin úlken alǵa basýshylyq qadam bolatynyna senimdimin. Zeev HANIN, Izraıl absorbsııalar mı­nıstrliginiń bas ǵalymy: – Jaqyndap kele jatqan ekono­mıkalyq daǵdarys jaǵdaıynda Qazaqstannyń saıası basshylyǵy ekonomıkany ósirýge qaraı birqatar qadam jasady jáne qolǵa aldy. Bul úlken kúsh jumyldyrýdy qajet etetin is. Sondyqtan, saılaý ótkizý týraly sheshim, meniń oıymsha, turǵyndardan qosymsha senim nesıesin alý dep bilemin. Bul óte durys qadam. Abdýsattor NÝRALIEV, Reseı-tájik slavıan ýnıver­sıtetiniń professory, «Qazaqstan-Tájikstan» dostyq qoǵamynyń tóraǵasy: – Men Qazaqstan halqy As­sam­bleıasy Keńesiniń 2015 jyly Prezıdent saılaýyn ótkizý týraly bas­tamasyn tolyǵymen qol­daı­myn. Bul, birinshiden, ártúrli eki elektoraldyq saıası naýqannyń qatar kelýine múmkindik bermeıdi. Ekinshiden, Qazaqstan Prezı­denti Nursultan Nazarbaevtyń jahandyq synaqtar kezeńinde álemdik saıası jáne ekonomıkalyq daǵdarysqa baılanysty áleýmettik-ekonomıkalyq baǵdarlamalardy damytý bastamalaryn tabysty júzege asyrýdy qamtamasyz etedi. Maı HVAN, KSRO jáne Qazaqstannyń kon­kımen syrǵanaý sporty jó­nin­­degi eńbek sińirgen jat­tyq­tyrýshy: – Men Qazaq sport jáne týrızm akademııasynda kezekten tys Prezıdent saılaýyn ótkizý jónindegi bastamaǵa qoldaý bildirý mıtıngisine qatystym. Sondaı-aq, stýdentter aldynda bizdiń ataqty sport ardagerlerimiz – Evgenııa Kadıaıkına, Ámın Tuıaqov, Shora Iýmashev jáne basqa da kóptegen sportshylar atynan sóz sóıleý qurmetine ıe boldym. Sóz sóıleýge usynys jasaǵan ardager sportshylar jastardy Prezıdent saılaýyna belsene qatysýǵa shaqyrýdy ótindi. Jas sportshylar kótergen plakattar men transporanttardy kórgen kezde men stýdent jastardyń qazirdiń ózinde durys tańdaý jasaǵanyna kózim jetti. Murat ÁÝEZOV, qoǵam qaıratkeri, máde­nıet­tanýshy: – Qazaqstan halqy Assambleıasy Keńesiniń músheleri bıylǵy jyly Prezıdent saılaýyn ótkizý týraly usynyspen shyǵýy arqyly ha­lyqaralyq qıyn jaǵdaılar kezinde, olardyń aldyn alýda asa kóre­gendik tanytty. Men de álemdik úderis­terdi, saıası jaǵdaılardy únemi ba­qylap otyramyn. Bul óte durys bastama dep bilemin. Iýlııa KÝChINSKAIа, «Demokratııalyq ınstıtýt» ǴZQ-nyń jobasy jónindegi dırektory: – Áleýmettik zertteýler kórset­­kendeı, respondentterdiń 97 paıyzy Qazaqstan halqy Assambleıasynyń bastamasyn maquldady jáne taǵy 96 paıyzy senim bildirdi. Nege olar QHA bastamasyn maquldaıdy degen máselege kelsek, 95 paıyzy prezıdenttik saılaý ótkizý qoǵamdy biriktirýge, ekonomıkalyq tapsyrmalar men mindetterdi sheshýge shoǵyrlandyrýǵa múmkindik beredi dep esepteıdi. Al 91 paıyzy saılaý ınvestorlardyń uzaq merzimdi reformalardaǵy senimdiligin qamtamasyz etedi dep sanaıdy. Inna LEBEDEVA, P.Chaıkovskıı atyndaǵy Almaty mýzyka kolledjiniń oqytýshysy: – QHA-nyń merziminen buryn Prezıdent saılaýyn ótkizý bas­tamasyn tolyqtaı qoldaımyn. Elbasyna jańa mandatty senim bildirý bizdiń halyqty biriktiredi jáne toptastyrady, bilim berý máse­le­lerindegi kúshti shoǵyr­landyrady. Kolledj oqytýshylary Memleket tarapy­nan kórsetilip jatqan qoldaýdyń arqasynda stýdent­termen birge, halyqaralyq konkýrstarda shyǵar­mashylyq shyńdarǵa belsendi túrde umtylyp keledi. Sondaı-aq, olar Jeńistiń 70 jyldyq, Qazaq handyǵynyń 550 jyldyq, Konstıtýsııa men QHA-nyń 20 jyldyq merekelerine stýdentter konserttik baǵdarlamalarmen belsendi ázirlenýde. Nına BEKEEVA, eńbek ardageri, Qyzylorda: – Búginde Prezıdent saılaýy taqyryby barlyq óńirde keńinen talqylanýda. Sondaı-aq, kópshilik Qazaqstan halqy Assambleıasyna osy mańyzdy usynystary úshin alǵys bildirýde. Bul bastamany qarapaıym eńbekkerden bastap, ár deńgeıdegi depýtattar, jalpylaı alǵanda, búkil qazaqstandyqtar qoldap jatyr. Men de saılaý ótkizý arqyly bizdiń Kóshbasshymyzǵa eń basty másele – aldaǵy ýaqytta memleketimizdi ári qaraı damytýǵa múmkindik jasaý qajet dep esepteımin. О́z basym halqymyz ben Prezıdentimizdiń danalyǵyna  senemin. Nursultan Nazarbaevpen birge bizge qandaı da bir daǵdarys qorqynyshty emes. Andreı ChEBOTAREV, «Alternatıva» ózekti zert­teýler ortalyǵynyń dırektory: – Qazaqstan halqy Assambleıasy Keńesiniń Prezıdent saılaýyn ótkizý jónindegi bastamasy túgelimen negizdi. Qazirgi ózimiz kýá bolyp otyrǵan qıyn jaǵdaıda, postkeńestik keńistiktegi saıası turaqsyzdyqtar oryn alyp turǵan kezde saılaý ótkizý Qazaqstan ekonomıkasy úshin, árıne, ózekti. Osyndaı jaǵdaılarda bizdiń aldymyzda turǵan mindetterdi qoǵamdy jumyldyrý arqyly sheshýge ábden bolady. Zarına SEIFÝLLINA, «Bolashaq» baǵdarlamasynyń stıpendıaty: – Jýrnalıst retinde kúndelikti bolyp jatqan oqıǵalar beıjaı qaldyrmaıdy. Olar bizdiń kez kelgen máselege tamyr soǵysyndaı muqııat taldaý jasaýymyzdy qajet etedi. О́tken jyly maǵan jýrnalıs­tıka boıynsha «Bolashaq» stıpendıaty bolý baqyty buıyrdy. Men Qazaqstandaǵy oń ózgeristerge óz úlesimdi barynsha qosqym keledi. Bul saılaý bizdiń jarqyn bolashaǵymyzǵa degen senimdiligimizdi nyǵaıtady jáne Prezıdentimizdiń bastamalaryn tolyq júzege asyrýdy qamtamasyz etetin bolady. Men soǵan senimdimin. Bıbigúl JEKSENBAI, «Bas redaktorlar klýby» qoǵamdyq birlestiginiń prezıdenti: – «Bas redaktorlar klýby» qoǵam­dyq birlestigi, ózge de me­dıakeńistik ókil­­­­derimen birge, Qazaqstan Respýb­­­lıkasy Prezı­dentiniń saıla­ýyn ót­kizý ıdeıasyna óz qoldaýyn bildiredi. Aldaǵy kezeńde bar­lyq memlekettik apparat pen qazaq­­­standyq qoǵamnyń kúsh-jigeri ekonomı­kadaǵy daǵdarys trendteriniń saldaryn báseńdetýge baǵyt­talýy qajet. Barlyq qazaqstandyqtardy, BAQ-tar men mem­lekettik emes uıymdardy QHA Keńesiniń usynysyn qoldaýǵa jáne Elbasy janyna toptasýǵa shaqyramyz. Ánýar SABIROV, Aqtaý halyqaralyq teńiz por­tynyń doker-mehanızatory: – Prezıdent saılaýy qazaq­standyqtarǵa el ekonomıkasyn tabysty damytýǵa baǵyttalǵan uzaq merzimdi jobalardy tıimdi júzege asyrýǵa múmkindik beredi. Memleket basshysy «Nurly Jol» baǵdarlamasynda kórsetilgen min­detter men tapsyrmalar jalǵas­tyrylýy ári oryndalýy tıis. Bul baǵdarlama bizder úshin asa kúshti qoldaý bolyp tabylady. Sondyqtan, biz qazirden bastap birigip, barlyq kúsh-jigerimizdi osy baǵdarlamany júzege asyrýǵa jumsaýymyz qajet. О́ıtkeni, ol Otanymyzdyń, barlyq qazaqstandyqtardyń ıgiligi úshin qyzmet etedi. Merýert QAZBEKOVA, Parlament Májilisiniń depýtaty, «Qazaqstan áıel-kásipkerleri odaǵy» qoǵamdyq birlestiginiń tóraıymy: – Elbasy óziniń Qazaqstan halqyna Joldaýynda shaǵyn jáne orta bıznesti qoldaý boıyn­sha ju­mystardy jalǵastyrý qajet ekendigin atap ótken edi. Son­dyq­tan da, biz Memleket basshy­sy­nyń jetekshiligimen «Nurly Jol» baǵdarlamasynda aıqyndalǵan maqsattarǵa qol jet­kize­tindigimizge bek senimdimiz. Qazaqstannyń áıel-kásipkerleri odaǵy búkil qazaqstandyqtardy 2015 jyly Prezıdent saılaýyn ótkizý bastamasyna qosylýǵa shaqyrady. Nadejda GOROBES, N.Sas atyndaǵy memlekettik balalar men jasóspirimder orys akademııalyq teatrynyń dırektory: – Almatyda respýblıkalyq bes teatrdyń shyǵarmashylyq ujymy kezdesip, onda prezıdenttik saılaý ótkizýdi qoldaǵan úndeý qabyldadyq. Aldaǵy ýaqytta el damýynyń qajettiligin túsine otyryp, ulttyq teatrlar Prezıdent saılaýyn ótkizý týraly QHA bastamasyna qoldaý bildirdi. Úndeýge teatrlar dırektorlary – Iýrıı Iаkýshev, Lıýbov Nı, Saýtjan Sonýrov, Aleksandr Dederer jáne Nadejda Gorobes qol qoıdy. Qalıman BEGALINOVA, Q.Sátbaev atyndaǵy QazUTÝ-dyń kafedra meńgerýshisi, fılosofııa ǵylymdarynyń doktory, professor: – Prezıdenttik saılaý ótkizý ­bastamasyna qoldaý bildirý ózimniń azamattyq paryzym dep sanaımyn. Fılosof retinde Nursultan Ábishuly Nazarbaevtyń asa qıyn kezeńderde reformalardy qolǵa alyp, ony tıimdi jalǵastyrǵandaǵy, odan nátıje shyǵarǵandaǵy rólin óte jaqsy bilemin. Sonymen qatar, Elbasymyzdyń salıqaly saıasatynyń arqasynda elimizde etnosaralyq jáne konfessııaaralyq kelisim nyǵaıdy. Prezıdentimizdiń beıbitshilik pen tynyshtyqty nyǵaıtýdaǵy eren eńbegi qaı kezde de qurmetke ıe ekendigin aıtqym keledi. Murat ÁBENOV, qoǵam qaıratkeri: – Bizdiń elimiz aıtarlyqtaı jeńil emes, biraq damýdyń eń durys jolyn tańdady. Búginde biz «Nurly Jol» baǵdarlamasyn júzege asyrýdamyz, ındýstrııalandyrýdyń ekinshi besjyldyǵyn bastap otyrmyz. Osy jerde memleket, bıznes, ónerkásip jáne turǵyndar birlesip áreket etýleri kerek. Árıne, prezıdenttik saılaý úderisin keıinge tartpaý qajet. Eger solaı etetin bolsaq, bastalǵan iri úderisterdi báseńdetip alamyz. Al saılaý týraly usynys, ol – órkendeýge bastaıtyn jol.