Foto: Azattyq Rýhy
Osy kezeńnen bastap volonterlik ınfraqurylymy men baǵdarlamalyq qoldaýy bar memlekettik saıasattyń jeke baǵyty retinde damyp keledi.
Máselen, búginde búkil el boıynsha Ulttyq front-ofıs jáne 20 óńirlik volonterler front-ofısi jumys isteıdi, sondaı-aq Qazvolunteer.kz ulttyq onlaın-platformasy qoldanylady.
2025 jyly belsendi volonterler sany 300 myńǵa jýyqtady, olardyń qatarynda 6 myńǵa jýyq «kúmis» volonterler men 810-nan astam volonterlik uıymdar bar. Negizgi baǵyttarǵa qarttar men jalǵyzbasty adamdarǵa kómektesý, qıyn ómirlik jaǵdaıda qalǵan adamdardy qoldaý, ekologııalyq volonterlik jáne tótenshe jaǵdaılardy joıýǵa qatysý kiredi.
«Igi ister marafony» jobasy aıasynda 2025 jyly el azamattary 9 myńnan astam ıgi is jasady, al qatysýshylar sany 40 myń adamǵa jetti. Sonymen qatar, elimizde 56 volonterlik joba iske asyrylyp jatyr, sondaı-aq jergilikti jerlerde bastamalardy damytý úshin 60 shaǵyn grant berildi.
Memleket basshysy: Konstıtýsııaǵa ózgeris engizý kerek bolsa, tek referendým arqyly jasaýǵa bolady
Qazaqstan volonterlik salasyndaǵy halyqaralyq yntymaqtastyqty keńeıtip jatyr
Halyqaralyq baǵyt Qazaqstanda volonterlik qozǵalysty damytýdyń mańyzdy bóligine aınalyp keledi. Halyqaralyq yntymaqtastyq aıasynda eki el volonteri BUU óńirlik hatshylyqtaryna jiberildi, taǵy jeti erikti Kenııa, Túrkııa jáne Taılandta tolyq qarjylandyrý baǵdarlamasy boıynsha shetelde jumysyn jalǵastyryp jatyr.
Sonymen qatar, Prezıdenttiń bastamasymen TMD Úkimet basshylary keńesiniń sheshimimen jyl saıynǵy Dostastyq eriktileriniń forýmy quryldy, onyń birinshisi 2026 jyly Astanada ótedi.
Tótenshe jaǵdaılar kezinde volonterlik kómek júıesi nyǵaıtylady
Sonymen qatar, Prezıdenttiń bastamasymen 2020 jyldan bastap jyl saıyn ótkiziletin «Jyl volonteri» halyqaralyq syılyǵy belgilendi. Osy ýaqyt ishinde Qazaqstan men shet elderden 297 adam syılyq laýreattary atandy.
Aıta keteıik, búgin Qasym-Jomart Toqaev Volonterler forýmynda sóz sóılep, syn saǵatta belsendi jumys isteıtin eriktilerdiń jumysyn joǵary baǵalady.
