Qarjy • 31 Qańtar, 2026

Ulttyq qordan beriletin tólemder: Balalardyń shotyndaǵy qorytyndy soma 370 dollardy qurady

40 ret

kórsetildi

1 mın

oqý úshin

Ulttyq Bank Memleket basshysynyń bastamasymen iske qosylǵan «Ulttyq qor – balalarǵa» baǵdarlamasy boıynsha 18 jasqa (qosa alǵanda) deıingi balalarǵa arnalǵan kezekti nysanaly talaptardyń BJZQ-ǵa eseptelgenin málimdedi. «Ulttyq qor – balalarǵa» baǵdarlamasy aıasynda 2025 jyldyń qorytyndysy boıynsha ár balanyń shotyna 130,71 dollardan esepteldi. 2025 jyldyń sońynda baǵdarlamaǵa qatysýshy bala sany 6 918 656 boldy, dep habarlaıdy Egemen.kz.

Aıana TOǴANBEK

Ulttyq qordan beriletin tólemder: Balalardyń shotyndaǵy qorytyndy soma 370 dollardy qurady

«Ulttyq qor – balalarǵa» baǵdarlamasy 2024 jyly 1 qańtarda iske qosyldy. 2024 jyly ár balaǵa 100,52 dollardan bólingen bolatyn. 2025 jyly 129,38 dollar esepteldi.

Balalarǵa esepteletin soma jyl saıyn Ulttyq qordyń uzaq merzimdi ınvestısııalyq tabysynyń jartysynan jáne qordaǵy valıýta aktıvteriniń kólemine qaraı qalyptasady. Sonymen qatar aldyńǵy jyldary balalar shotyna eseptelgen qarajat bala 18 jasqa tolǵanǵa deıin Ulttyq qor portfelinde ınvestısııalana beredi, sol arqyly qosymsha tabys ákeledi.

Ulttyq qordan 6,9 mln balanyń shotyna 130 dollardan tústi

Investısııalyq tabystyń kólemin eskergende, úsh jyldan beri baǵdarlama iske asqaly jınaqtalǵan jalpy soma bir balaǵa 370,56 dollardy qurady. Tıisti aqparatpen elektrondy úkimettiń eGov mobile mobıldi qosymshasynda jáne kids.enpf.kz saıtynda tanysýǵa bolady.