«Qazgıdromet» sınoptıkteri 3 aqpanda el aýmaǵyndaǵy 15 oblysta qolaısyz meteojaǵdaıǵa baılanysty daýyldy eskertý jarııalady.
Sınoptıkterdiń boljamyna sáıkes, Almaty oblysynyń soltústiginde túnde kóktaıǵaq bolyp, óńirdiń soltústigi, ońtústigi men taýly aımaqtarynda tuman túsedi. Kúndiz oblystyń batysynda jel kúsheıip, ekpini sekýndyna 15-20 metrge deıin jetýi múmkin.
Atyraý oblysynyń batysy, soltústigi jáne ońtústiginde tuman men kóktaıǵaq kútiledi. Kúndiz jeldiń jyldamdyǵy sekýndyna 15-20 metrge deıin údeıdi. Al 4 aqpanda óńirde kúndizgi aýa temperatýrasy 5-10 gradýs aıazǵa deıin tómendese, 5 aqpanda túnde 17-22 gradýs sýyq tirkelip, aıaz odan ári kúsheıedi.
Mańǵystaý oblysynyń batysy, soltústigi jáne ortalyǵynda kóktaıǵaq pen qoıý tuman boljanady. Keı aýdandarda ońtústik-shyǵystan soqqan jeldiń ekpini sekýndyna 15-20 metr bolady. 5 aqpanda óńirde túngi jáne kúndizgi temperatýra 7-12 gradýs aıazǵa deıin tómendeıdi.
Shyǵys Qazaqstan oblysynda qar jaýyp, jaıaý burqasyn júredi, al túngi ýaqytta keı aýdandarda tuman túsedi. Abaı oblysynda da qarly boran kúsheıip, jeldiń ekpini sekýndyna 20 metrge deıin jetýi yqtımal.
Jetisý oblysynyń soltústigi men taýly aımaqtarynda burqasyn soǵyp, joldarda kóktaıǵaq bolady. Qyzylorda oblysynyń birqatar aýmaǵynda tuman men kóktaıǵaq kútiledi.
Batys Qazaqstan oblysynda túnde qar jaýyp, burqasyndatady, kúndiz jaýyn-shashyn aralas qar men jańbyr jaýyp, kóktaıǵaq túsýi múmkin. 4 aqpanda óńirde aýa temperatýrasy kúrt tómendep, kúndiz 15-20 gradýs aıaz bolady.
Qaraǵandy, Aqtóbe, Ulytaý oblystarynda qar, tuman jáne kóktaıǵaq boljansa, Túrkistan men Jambyl oblystarynyń taýly aýdandarynda qatty jaýyn-shashyn, burqasyn jáne jeldiń kúsheıýi kútiledi. Keı jerlerde jel ekpini sekýndyna 23 metrge deıin jetýi múmkin.
Sondaı-aq Qostanaı men Aqmola oblystarynda tuman, qar jáne burqasyn júredi dep boljandy.
