- Short-trekten AQSh-tyń Solt-Leık-Sıtı qalasynda ótip jatqan jasóspirimderdiń álem birinshiliginde elimizdiń quramasy 3000 metrlik estafetada qola medal ıelendi. Komanda quramynda Polına Omelchýk, Nurııa Alpysbaı, Gúldana Jalmuhan, Anastasııa Galechına syndy sportshylar óner kórsetti. Birinshi oryndy Ońtústik Koreıa oljalasa, Qytaı ekinshi satyǵa jaıǵasty.
- 28 sáýir – 10 mamyr aralyǵynda ústel tennısinen Londonda ótetin komandalyq álem chempıonatynyń jerebesi tartyldy. Elimizdiń erler quramasy 11-topqa tústi. Qarsylastary – Mysyr, Taıland, Túrkııa. Qyzdar quramasy Chehııa, Brazılııa, Mońǵolııamen birge 5-topta óner kórsetedi.
- Buǵan deıin biz 6 aqpanda Máskeýde aralas jekpe-jekten ASA lıgasyndaǵy Artem Reznıkov (26-10) pen Muhammad Sýlýmov (13-4) arasyndaǵy kezdesýdiń ótpeıtini jaıynda habarlaǵanbyz. Sheshenstannyń sportshysy syrqattanyp qalǵannan keıin uıym basshylary jerlesimizge dereý basqa qarsylas tapty. Endi Artem Groznyıdyń taǵy bir týmasy Iýsýp Zýbarıevpen (15-3-1) aıqasady.
