Ultty uıystyrar faktor

Májilis spıkeri, partııa tór­aǵasy Erlan Qoshanov jańa Kons­tıtýsııa mátini qoǵammen birlesip ázirlengenin ári bul qujat Memleket basshysynyń Ádiletti Qazaqstandy qurý jolyndaǵy aýqymdy reformalar baǵytynyń zańdy jalǵasy ekenin atap ótti.

«Jańa Konstıtýsııa halyqpen ashyq dıalog júrgizý barysynda qalyptasyp, jurtshylyqtyń shynaıy múddesin aıshyqtaıdy. Sondyqtan Ata zańnyń jobasyn «Halyq Konstıtýsııasy» dep ataýǵa tolyq negiz bar. Ol – elimizdiń ornyqty damýynyń berik negizi bolary anyq. Ultymyzdy uıystyratyn faktorǵa aınalýy kerek. Jańa jobanyń ár babyn, ár normasyn halyqqa keńinen túsindirýimiz kerek. «Amanat» partııasy osy jumystyń bel ortasynda bolýǵa tıis. Bul bizdiń – mańyzdy mindetimiz, tarıhı mıssııamyz», dedi E.Qoshanov.

Partııa tóraǵasy Konstıtýsııa joba­syna bılik pen qoǵamnyń ashyq talqylaýlarynyń nátı­je­le­ri engenin, qujatta otandas­tary­myzdyń arman-tilekteri men umty­lystary kórinis tapqanyn atap ótti. Osyǵan baılanysty, jańa joba­nyń kirispesinde keıingi jyldary árbir turǵynǵa jaqyn bola túsken qundylyqtar – Zań men tártip, Adal azamat, Taza Qazaqstan kórinis tapty. Bul qundylyqtar Konstıtýsııanyń barlyq normasyn boılaı ótip, memlekettiń al­daǵy damýyna negiz bolatyn qýatty moral­dyq-quqyqtyq qaly­byn qalyptas­tyrady.

E.Qoshanov memlekettiń bolashaq zań shyǵarýshy organy – Quryltaıǵa arnaıy toqtaldy. Konstıtýsııa jobasyna sáıkes, jańa bir palataly Parlament aı­tar­lyqtaı kúsheıtil­gen ókilet­­tikterge ıe bolyp, bılik tarmaq­tary arasyndaǵy tejemelik tepe-teńdik júıesin túbegeıli jań­ǵyrtady. Jańartylǵan Quryltaı Memleket basshysynyń «Kúshti Prezıdent – yqpaldy Parlament – esep beretin Úkimet» formýlasyn túpkilikti bekitedi.

Sondaı-aq Májilis spıkeri Memleket basshysynyń Halyq keńesin qurý jónindegi bastamasy der kezinde qabyl­danǵan asa mańyzdy sheshim ekenin atap ótti. Jıynda Ádilet mınıstri Erlan Sársembaev jańa Konstıtýsııa jobasy alǵash ret adamǵa baǵdar­lanǵan memleket modeline kóshýdi zań júzinde bekitetinin, qoǵamdy jańa deńgeıde biriktirýge baǵyttalǵan «Birtutas Qazaqstan halqy» uǵymyn engizetinin atap ótti.

Memleketti jańǵyrtý negizi­ne alǵash ret adamı kapıtaldy damytý qadamy alynyp otyr. Iаǵnı memlekettiń barlyq resýrsy aza­­mattardyń áleýetin ashý men qol­daýǵa baǵyttalady. Prezıdenttiń barlyq sheshiminde kórinis taýyp kele jatqan osy ozyq ıdeıa endi eń joǵary konstı­týsııalyq deńgeıde bekitiledi.

Ádilet mınıstri Erlan Sár­sembaev jańa Konstıtýsııa jobasy alǵash ret adamǵa baǵdar­lanǵan memleket modeline kóshýdi zań júzinde bekitetinin, qoǵamdy jańa deńgeıde biriktirýge baǵyttalǵan «Birtutas Qazaqstan halqy» uǵymyn engizetinin atap ótti. Sonymen qatar Negizgi zań jobasynda derbes derekterdi qorǵaýǵa erekshe nazar aýdarylyp, prosessýaldyq májbúrleý sharalaryn qoldaný kezinde adam quqy­ǵyn qorǵaýdyń naqty normalary aıqyndaldy.

Depýtattar jańa Konstıtý­sııa jobasyndaǵy ozyq novellalar jó­ninde óz kózqarastaryn bildirdi. Baqytjan Bazarbek proporsıonaldy saılaý júıesin engizýdiń mańyzyn atap ótip, ol saıasatkerlerdiń saılaýshylar aldyndaǵy jaýapker­shi­ligin arttyratynyn aıtty. Qaırat Balabıev «Zań men tártip» qaǵı­daty jazalaýdan emes, otbasyndaǵy tárbıeden jáne zorlyq-zombylyq pen qu­qyqbuzýshylyqqa tózbeýshilik mádenıetin qalyptastyrýdan bas­talatynyn jetkizdi. Snejanna Ima­sheva jańa Konstıtýsııa jobasy adam jáne onyń quqyǵy memleket basymdyǵy retinde alǵash ret Negizgi zań deńgeıinde bekiteti­nin atap ótti. Iýlııa Kýchınskaıa jańa Konstıtýsııa urandarǵa emes, atsalysýǵa, jaýap­ker­shilikke jáne naqty yqpal etý tetikterine negizdelgen kemel azamat­tyq patrıotızm modelin qalyp­tastyratynyn aıtty.

Nurtaı Sabılıanov bir palataly Parlament eń aldymen jedel she­shim qabyldaý múmkindigin, ashyq jaýap­kershilik pen qoǵamnyń bılikke degen senimin arttyratynyn atap ótti. Nartaı Sársenǵalıev ǵylym, bilim men ınnovasııanyń Konstıtýsııada bekitilýi adamı kapıtaldy memlekettiń basty baılyǵy retinde naqty moıyndaý ekenin aıtty. Nıkıta Shatalov Parlamenttiń kelisimimen taǵaıyn­dalatyn Vıse-prezıdent ınstıtýty bılik júıesiniń turaq­tylyǵy men boljamdylyǵyn qamta­masyz etetin jańa arhıtektýrany qa­lyp­tastyratynyn atap ótti. Frak­sııa­nyń barsha depýtaty al­daǵy aýqymdy konstıtýsııalyq ózgeristerdiń mańyzyn atap ótip, jańa Konstıtýsııa jobasyna qoldaý bildirdi.