Baıypty memleketshildik qadam

Jalpyulttyq sosıal-de­mokratııalyq partııasynda Konstıtýsııanyń jańa jobasyn talqylaýǵa arnalǵan Saıası keńes otyrysy ótti. Qa­tysýshylar Konstıtýsııa­ǵa engiziletin ózgerister men on­daǵy usy­nylǵan túrli joba­nyń eldi damytýǵa degen múm­kindigin saralady. Sondaı-aq saıası júıeniń qoǵam men memleket arasyn­daǵy yntymaq pen jańartýdaǵy mańyzyn qarastyrdy.

Saıası keńes músheleri Ata zańdy tal­qylaý qoǵamnyń jańa­­rýǵa jáne elimizdiń qazir­gi damý kezeńine saı turaq­ty sheshimder men múmkindikterdi izdeýge degen suranysyn joǵa­rylatqanyn atap ótti. Sony­men birge jıynǵa qatysýshy­lar Kons­tı­týsııada bekitiletin norma­lar áleýmettik salada, eńbek qatynastarynda jáne azamattardyń ómir sapasyn arttyrýda naqty jumystardy alǵa qoıyp otyrǵanyna toq­taldy.

Reformanyń ınstıtý­sıo­naldyq qyrla­ryna da erek­she na­zar aýdaryldy. Qatysý­shylar bılik tarmaq­tary arasyndaǵy ózara is-qı­myldyń turaqty mode­lin qalyptastyrýdyń mańy­zy­na toqtalyp, ókiletti organ­dardyń rólin kúsheıtý men memlekettik ınstıtýttarda qabyldanatyn sheshimderge degen jaýapkershilikteriniń joǵary bolýy qajet ekenin eske saldy.

Elordada Respublica partııasy aktıviniń keńeıtilgen otyrysy ótip, ol Negizgi zańǵa salmaqty kózqaraspen qarap, ortaq partııalyq ustanymdy qalyptastyrýǵa arnalǵan ashyq dıalog alańyna aınaldy.

Otyrysty ashqan partııa tóraǵasy Aıdarbek Qoja­na­za­rov usynylyp otyrǵan qu­jat­ty memlekettiń damýy úshin sa­palyq turǵydan jańa kezeń dep baǵalap, talqylaý­dyń ba­ǵytyn aıqyndady. Ol qu­jatta ýnıtarly qurylym men aýmaqtyq tutastyqtyń myz­ǵymaı saqtalǵanyn erekshe atap ótti. Sonymen qatar jańa jobanyń ózeginde adamǵa baǵyt­talǵan, azamattyń quqy­ǵy men qadirin aldyńǵy oryn­ǵa qoıatyn kózqaras bar ekenin aıtty.

О́ńirlik partııa jetek­shileri refor­manyń prak­tı­kalyq qyrlaryna toqtal­sa, Re.Women áıelder qaýym­dastyǵy men ReJastary jastar qozǵalysynyń ókilderi reformany azamattyq qatysýdy keńeıte­tin naqty tetik retinde qoldaıtyndaryn bildirdi.

Otyrysta Májilis depýtattary, Respublica partııasy fraksııasynyń múshe­leri, aımaqtyq fılıaldar tóraǵa­lary da sóz sóılep, oı-pikir­lerin ortaǵa saldy.

Keshe Qazaqstan Halyq partııasy frak­sııasynyń otyrysynda da depýtattar jańa Konstıtýsııasynyń jobasyn talqylady. Otyrys barysynda QHP fraksııasynyń jetek­shisi Magerram Magerramov Mem­leket basshysynyń bas­tamasymen júzege asyrylyp jatqan reformalar azamattardy belsendi áreketke, son­daı-aq eldegi sheshim qabyldaý úderisine jappaı qatysýǵa yntalandyratynyn atap ótti.

Depýtat Irına Smır­nova Konstıtý­sııanyń tolyq jańar­tylǵan preambýla­syn erek­she atap ótti. Depýtat Asyl­bek Nuralın eldiń jańa Konstıtýsııasy eńbek etý qu­qy­ǵyn qamtamasyz etetinine, bul quqyq Qazaqstan Halyq partııasynyń saılaýaldy baǵ­darlamasynda bekitilgenine nazar aýdardy.

Kenjeǵul Seıtjan aza­mat­tardyń quqyq­tary men bos­tandyqtaryn negizgi qundy­lyq dep sanaıtyn mem­­lekettik saıasatty áleý­metke baǵdarlanǵan saıasat dep joǵa­ry baǵalady. Depý­tat Islam Suńqar otyrys ba­rysynda usynylyp otyr­ǵan jańa Konstıtýsııa elimiz­diń jańa ǵylymı jáne ınno­vasııalyq baǵytyn aıqyn­daıtynyn atap ótti.

Sondaı-aq Májilis depýtaty, «Aýyl» partııasy frak­sııasynyń tóraǵasy Serik Egizbaevtyń jetekshiligimen ótken fraksııa otyrysyn­da Konstıtýsııanyń jańa jo­basy men oǵan engizil­gen ózgerister keńinen talqy­lanyp, mańyzdy qujatty el ishinde  belsendi túsindirý jumys­tarynyń qajettiligi aıtyldy.

S.Egizbaev jınalǵan qaýym­­dy el bola­sha­ǵy úshin mańyz­­dy qujattyń basym baǵyt­­tarymen tanystyryp, usy­­nylǵan Konstıtýsııa joba­­syn muqııat zerdeleý­ge jáne shyndyqqa sáıkes kel­­meı­­t­in aran­datýshylyq ja­rııa­­lanymdardyń yqpa­lyna tús­peı, tek resmı qu­jat­­qa súıe­ne oty­ryp, syndar­ly pikir qalyptastyrýǵa shaqyrdy.

«Aýyl» fraksııasynyń depýtattary Ata zań jobasyn biraýyzdan qoldap, onyń quqyqtyq memleketti nyǵaıtý men elimizdiń odan ári damýy úshin mańyzdylyǵyn atap ótti.

Jańa Konstıtýsııa boıyn­sha naqty sheshimdi halyq jalpyulttyq referendýmda qabyldaıdy.