Qazirgi tańda eldiń barlyq óńirinde stýdentterdiń ekologııalyq bastamalary belsendi iske asyrylyp jatyr. Joǵary oqý oryndarynda óńirlik ekoklýbtar qurylyp, erikti jastar qozǵalystary tabıǵatty qorǵaý baǵytyndaǵy túrli naýqandarǵa qatysýda. Sonymen qatar ekologııalyq turǵydan eń taza aýmaqtardy anyqtaýǵa arnalǵan baıqaýlar da ótkizilip keledi.
«Taza Qazaqstan»: Eriktiler 18 mıllıonnan astam aǵash otyrǵyzdy
Vıse-mınıstrdiń sózinshe, «Taza Qazaqstan» uǵymy endi tek qoǵamdyq bastama ǵana emes, jańa Konstıtýsııa jobasyndaǵy negizgi qaǵıdattardyń birine aınalǵan.
«Bul jaýapkershiliktiń salmaǵy ǵylym men joǵary bilim júıesine de júkteledi. Sebebi Konstıtýsııa jobasynyń arqaýy – adamı kapıtaldy damytý. Osyǵan sáıkes bilim, ǵylym, ınnovasııa jáne mádenıet salalarynyń damýy ózara sabaqtasyp qarastyrylady», dedi Gúlzat Kóbenova.
