Jańa qujatta ekonomıkalyq qylmystyq quqyq buzýshylyqqa qatysy dáleldengen jeke, zańdy tulǵalardy arnaıy reestrge engizý men odan shyǵarý tártibi naqty kórsetilgen. Iаǵnı, kimniń, qandaı negizde, qashan tizimge alynatyny jáne qaı ýaqytta shyǵarylatyny anyq jazylǵan.
Sonymen qatar reestrde qandaı málimetter saqtalatyny da belgilengen. Qandaı aqparat engiziledi, ol derekter qansha ýaqytqa deıin saqtalady, qandaı jaǵdaıda óshiriledi degen máselelerdiń bári qujatta qamtylǵan. Bul retteý júıesi qarjy-baqylaý jumysyn júıeleýge kómektesýi tıis.
Qylmystyq qýdalaýǵa tartylǵan memlekettik qyzmetshilerdiń úlesi 0,3%-ǵa qysqardy
Agenttiktiń túsindirýinshe, bul tizim eń aldymen quqyq buzýshylyqtyń aldyn alý úshin qajet. Qoǵam men kásipkerler ekonomıkalyq qyzmet salasyndaǵy qaýip-qaterdi aldyn ala bilip, saqtaný múmkindigine ıe bolady. Sondaı-aq bul reestr qarjylyq monıtorıng aıasyndaǵy is-sharalardy tıimdi júrgizýge arnalǵan qural retinde paıdalanylmaq.
Qujat jobasy qazir ashyq talqylaýǵa shyǵarylǵan. Azamattar men uıymdar óz pikirin bildire alady. Talqylaý merzimi 19 aqpanǵa deıin jalǵasady. Osy ýaqyt ishinde usynystar men eskertpeler qabyldanady.
