Nátıjesinde elektr jelilerinde qosymsha qýat qory qalyptastyrylyp, Shymkent qalasy, Jambyl jáne Jetisý oblystarynyń elektrmen jabdyqtaý júıesiniń senimdiligi aıtarlyqtaı kúsheıdi. Endi bul óńirlerdiń energojúıesi eń joǵary júktemelerge tótep berýge, sondaı-aq jańa tutynýshylardy qosýǵa tolyq daıyn.
Atalǵan jumystar sheńberinde 2025 jyly 220 kV «Sastóbe» jáne 220 kV «Saryózek» qosalqy stansııalarynda jańǵyrtý jáne tehnıkalyq qaıta jaraqtandyrý jumystary aıaqtaldy.
«Sastóbe» qosalqy stansııasy: júktemesi joǵary toraptar bosatylyp, tranzıttik qýat kúsheıtildi
«Sastóbe» qosalqy stansııasynda KEGOC 25 MVA bolatyn eki kúshtik transformatordy árqaısysynyń qýaty 63 MVA bolatyn jańa transformatorlarǵa aýystyrdy.
Osylaısha perspektıvalyq jobalardy eskere otyryp, «Shymkent – Jambyl» tranzıti boıynsha ruqsat etilgen júkteme arttyryldy, tutynýshylardyń bir bóligi 220 kV kerneýli jeliden qorektendirýge aýystyryldy (10–15 MVt-qa deıin), buǵan deıin shekti rejımde jumys istegen Qazyǵurt qosalqy stansııasy men Shymkent JEO-3 avtotransformatorlarynyń júktemesi azaıtyldy.
Atalǵan is-sharalardyń nátıjesinde Shymkent qalasy men oǵan irgeles aýdandardy elektrmen jabdyqtaý senimdiligi artty, bul ásirese eń joǵary júkteme kezeńderinde aıqyn baıqalatyn bolady.
«Saryózek» qosalqy stansııasy: qýat tapshylyǵy joıyldy
«Saryózek» qosalqy stansııasynda avtotransformatordyń qýaty eki esege arttyrylyp, 32 MVA-dan 63 MVA-ǵa jetkizildi.
Bul shara toraptaǵy qýat tapshylyǵyn joıýǵa, jańa iri tutynýshylardy qosý úshin rezerv qalyptastyrýǵa jáne jeliniń ártúrli jumys rejımderindegi turaqtylyǵyn arttyrýǵa múmkindik berdi.
Is júzinde qosalqy stansııa óńirdiń bolashaq damýyna qajetti qýat rezervine ıe boldy. Bul – ońtústik óńirdi kúsheıtýge baǵyttalǵan júıeli baǵdarlamanyń bir bóligi. Jumystar atalǵan nysandarmen shektelmeıdi. KEGOC Qazaqstan BEJ-iniń Ońtústik aımaǵyn kúsheıtýdiń kelesi kezeńderin ázirlep otyr.
Qosalqy stansııalardyń qýatyn odan ári arttyrý boıynsha ınvestısııalyq jobalardy daıarlaý jáne iske asyrý jalǵasýda. Atap aıtqanda, «Jalaǵash», «Jańatas», «Qazyǵurt», «Myrǵalymsaı», «Qyzylorda» qosalqy stansııalary jáne Taldyqorǵan qalasyndaǵy «Jetisý» qosalqy stansııasy qamtylǵan. Qazirgi ýaqytta birqatar nysandar boıynsha jobalaý-smetalyq qujattamany ázirleý jumystary júrgizilip jatyr, onyń aıasynda qosalqy stansııalardyń qýatyn keńeıtýdiń tehnıkalyq sheshimderi men parametrleri naqtylanýda.
Qazaqstannyń ońtústik óńirleri ındýstrııalyq, agroónerkásiptik jáne týrıstik ortalyqtar retinde qarqyndy damyp keledi. Transformatorlyq qýattardy kezeń-kezeńimen arttyrý ınvestısııalyq jáne áleýmettik jobalardy iske asyrýǵa, kásipkerlikti damytýǵa jáne halyqtyń ómir súrý sapasyn jaqsartýǵa berik negiz qalaıdy.
