Prezıdent otyz jyldan astam ýaqyt ishinde Qazaqstan men Pákistan mazmundy saıası dıalog órbitip, túrli salada ekijaqty yntymaqtastyqty dáıekti túrde nyǵaıtyp kele jatqanyna toqtaldy.
Qasym-Jomart Toqaevtyń pikirinshe, Qazaqstan – jer aýmaǵy men ekonomıkalyq áleýeti turǵysynan Ortalyq Azııadaǵy eń iri el. Al Pákistan Ońtústik Azııa, Ortalyq Azııa, sondaı-aq Taıaý Shyǵys túıisken tusta tıimdi ornalasqan. Bul – uzaq merzimdi strategııalyq maqsattarǵa qol jetkizýge yqpal etetin mańyzdy geosaıası artyqshylyq.
Memleket basshysy Premer-mınıstr Shahbaz Sharıfpen júrgizgen kelissózder nátıjesinde Astana men Islamabad arasyndaǵy qarym-qatynasty jańa strategııalyq deńgeıge kóterý jónindegi Birlesken deklarasııaǵa qol qoıylǵanyn atap ótti. Bul qadam baýyrlastyq baılanystardy tolyq aıqyndap, eki eldiń barlyq baǵyt boıynsha yqpaldastyqty udaıy keńeıtýge beıil ekenin baıqatady.
Qazaqstan men Pákistan arasynda 200 mln dollarǵa jýyq kelisim jasaldy
Asıf Alı Zardarı eki el arasyndaǵy yntymaqtastyqtyń damý deńgeıin joǵary baǵalap, Pákistan tarapynyń ózara tıimdi yqpaldastyqty odan ári nyǵaıtýǵa nıetti ekenin rastady.
Taraptar ekijaqty kún tártibiniń ózekti máseleleri jóninde pikir almasyp, uzaq merzimdi qarym-qatynasty keńeıtýdiń jańa baǵyttaryn belgiledi.
Qasym-Jomart Toqaev sapar qorytyndysy qos halyqtyń órkendeýi jolynda Qazaqstan men Pákistan arasyndaǵy seriktestikke tyń serpin beretinine senim bildirdi.
Memleket basshysy: Pákistan – Qazaqstannyń Ońtústik Azııadaǵy senimdi ári mańyzdy seriktesi
Aıta keteıik, Memleket basshysy 3 aqpan kúni Pákistan Islam Respýblıkasyna memlekettik saparmen bardy. Pákistan Premer-mınıstriniń rezıdensııasynda Prezıdent Qasym-Jomart Toqaevty resmı qarsy alý rásimi ótti. Memleket basshysyn Pákistan Premer-mınıstri Shahbaz Sharıf kútip aldy. Búgin, 4 aqpanda Memleket basshysy Pákistan Premer-mınıstrimen keńeıtilgen quramda kelissóz júrgizdi.
