«Uly Dalanyń myńjyldyq tarıhynyń sabaqtastyǵyn saqtaı otyryp» degen tujyrym – óte salmaqty norma. Meniń oıymsha, preambýla sátti jáne saıası turǵydan asa maǵynaly shyqqan», dep atap ótti Aıman Ýmarova.
Onyń aıtýynsha, Preambýlanyń jańa redaksııasynyń basty kúshi – qazaq memlekettiliginiń tarıhı sabaqtastyǵyna basymdyq berilýinde.
«Bul normanyń máni – biz memlekettiligimizdiń myńjyldyq tarıhpen tyǵyz baılanysty ekenin ashyq túrde aıtyp otyrmyz. Bul – Qazaq handyǵy men qazaq memlekettiligi HH ǵasyr oqıǵalarynan áldeqaıda buryn qalyptasqanyn eske salý», dep tolyqtyrdy Konstıtýsııalyq komıssııanyń múshesi.
Jańa Konstıtýsııanyń jobasy preambýladan, 11 bólimnen jáne 104 baptan turady. О́zgerister men tolyqtyrýlar Ata zańnyń barlyq bólimderin qamtydy. Túzetýler 77 bapqa engizildi, bul Konstıtýsııanyń jalpy mátininiń 84 %-yn quraıdy.
Aıta keteıik, jańa Ata zańnyń mátinimen Qazaqstan Respýblıkasy Konstıtýsııalyq sotynyń saıtynda tanysýǵa bolady.
