Qazaqstandyq delegasııany Premer-mınıstrdiń orynbasary – Mádenıet jáne aqparat mınıstri Aıda Balaeva basqardy. Mádenıet kúnderi aıasynda Balaeva Qatar Memleketiniń Mádenıet mınıstri sheıh Ábdirahman ben Hamad ben Djasım Ál Tánımen kezdesý ótkizdi. Kezdesý barysynda eki el mádenıet pen óner salasyndaǵy yntymaqtastyqty keńeıtý, birlesken jobalardy júzege asyrý perspektıvalaryn talqylady.
Jezqazǵanda Mádenıet úıiniń jóndeý jumystaryna 300 mln teńge bólindi
Aıda Balaeva eki eldiń halyqtaryn biriktiretin tarıhı jáne rýhanı qundylyqtarǵa erekshe mán berdi. Sheıh Ábdirahman da birlesken jobalardyń yntymaqtastyqty odan ári nyǵaıta túsetinine senim bildirdi. Kezdesý kezinde kreatıvti ındýstrııalar, birlesken kitaptar shyǵarý, aýdarma jobalary, sýretshilerdi qoldaý sekildi baǵyttar da qaraldy.
Is-shara aıasynda Qazaqstan óner sheberleriniń gala-konserti ótti. Baǵdarlamada klassıkalyq mýzyka, halyq kúıleri men ánderi, sımfonııalyq óńdeýler jáne arab ánderi usynyldy. Sonymen qatar «Darb Al-Sagı» mádenı-tarıhı ortalyǵynda kórmeler men dızaınerlik týyndylar kórsetildi. Ulttyq dástúrler men sport túrleri, onyń ishinde dástúrli sadaq atý, saıatshylyq jáne tazy ıtpen ań aýlaý da tanystyryldy.
Qazaqstannyń mádenıet kúnderi tórt kúnge josparlanyp, eki el arasyndaǵy mádenı-gýmanıtarlyq yntymaqtastyqty nyǵaıtýǵa jáne Qazaqstan mádenıetin halyqaralyq deńgeıde tanystyrýǵa baǵyttalǵan. Aldaǵy ýaqytta Qatar mádenıet kúnderi Qazaqstanda ótedi.
Eki jyldyń ishinde elimizdegi 100-den astam mádenıet oshaǵy jóndeledi
