Almaty − Qonaev tasjoly: Aqyly joldarda kimder tegin júre alady?

20 ret

kórsetildi

1 mın

oqý úshin

Aqyly jolda júrý aqysyn tóleý tártibi bıylǵy 30 qańtarda ózgerdi. Buryn Almaty oblysynyń Ile aýdany aýmaǵyndaǵy balama joly joq eldi meken turǵyndary (Zarechnoe aýyly men Baıserke saıajaı sektory) bul jol bóligimen tegin júretin. Endi jeńildikpen júrý quqyǵy Jetigen aýylynyń negizinde jańadan qurylǵan Alataý-sıtı turǵyndaryna berilip otyr, dep habarlaıdy Egemen.kz.

Shyńǵys MUQAEV

Almaty − Qonaev tasjoly: Aqyly joldarda kimder tegin júre alady?

Foto: inbusiness.kz

Jolǵa aqy tóleıtinder

«QazAvtoJol» ókilderiniń aıtýynsha, Ile aýdanynda turatyn azamattar bul jolmen tegin júrý quqyǵynan aıyryldy. Qazir qoldanystaǵy zańnamaǵa sáıkes kóligi Alataý qalasynda tirkelgen júrgizýshiler ǵana tegin júre alady. Biraq Ile aýdanynda tirkelgen jeńil avtomobıl men avtobýs úshin Almaty − Qorǵas aqyly avtojolynyń aýdan aýmaǵyndaǵy bóliginde tegin júrý quqyǵy saqtalady.

Elimizdegi aqyly joldarda kimder tegin júre alady?

Zarechnoe men Baıserkeniń turǵyndary ne isteıdi?

Zarechnoe aýyly men Baıserke saıajaı sektory endi Alataý qalasyna qosylatyndyqtan atalǵan tasjoldy aqysyz paıdalanady. Alaıda atalǵan eldi mekenderdiń turǵyndary qujattaryn Alataý qalasyna aýystyryp úlgermegen. Sondyqtan mashınasy áli Ile aýdanyndaǵy eski mekenjaıǵa tirkelip turǵan azamattar arnaıy HQKO-ǵa júginip, tehpasportyn jańartýy qajet.

Bıyl aqyly joldardan 79 mlrd teńge tústi

Qyzmet quny – 1,25 AEK (5406 teńge), memlekettik nómiri ózgermeıdi. «QazAvtoJol» derekqoryndaǵy aqparat avtomatty túrde jańaryp, olar aqy tóleýden bosatylady.