ASTANA. 13 mamyr. Keshe túnde ÝEFA Chempıondar lıgasynyń jartylaı fınaly aıasynda «Bavarııa» men «Barselona» arasynda qarymta kezdesý ótti. Mıýnhende bolǵan oıynda «Bavarııa» 3:2 esebimen jeńiske jetti. Alaıda, eki oıyn qorytyndysy boıynsha fınalǵa beriler joldamaǵa «Barselona» ıe boldy. Bul týraly egemen.kz habarlady.
Match asa tartysty ótti. Apta buryn «Barselonanyń» alańynda ótken oıynda katalonııalyqtar 3:0 esebimen jeńgeni belgili. О́z alańynda qarymta qaıtarýdy kózdegen «Bavarııa» oıynshylary alǵashqy mınýttardan-aq tizgindi qoldaryna aldy. Degenmen, jalpy nátıje olar oılaǵandaı bolmady.
Oıyn barysynda statıstıkalyq kórsetkishter boıynsha Germanııa komandasy aıtarlyqtaı basymdyq tanytty. Máselen, dopqa ıelik etý kórsetkishi nemisterdiń paıdasyna 53% – 47% bolyp tirkeldi. Al qaqpaǵa jasalǵan soqqy jóninen «Bavarııa» oıynshylary qarsylastarynan 4 ese artyq nátıje kórsetti (20:4). Sonyń ishinde alań ıeleri 8 soqqyny qaqpaǵa týra baǵyttasa, qonaqtar sondaı 4 soqqymen jaýap qaıtardy. Buryshtama doby boıynsha da Hosep Gvardıolanyń shákirtteri alda boldy (5:1).
Bul oıynda jeńilgenine qaramastan, «Barselona» fınalǵa joldama aldy. Bul – Ispanııa komandasy úshin 8-shi fınal. Buǵan deıin olar Chempıondar lıgasyn 4 márte jeńip alǵan.
Elaman Qońyr.
Derek: egemen.kz.
Sýret: championat.com.
«Bavarııa» (Mıýnhen, Germanııa) - «Barselona» (Barselona, Ispanııa) 3:2 (1:2)
Birinshi oıynnyń esebi: 0:3
12 mamyr. Mıýnhen. «Alıans-Arena» stadıony. 75 000 kórermen.
Tóreshiler: Mark Klattenbýrg, Saımon Bek, Djeık Kollın (úsheýi de Anglııa).
«Bavarııa»: Manýel Noıer, Rafınıa, Mehdı Benatıa, Jerom Boateng, Fılıpp Lam (Sebastıan Rode 68), Hýan Bernat, Bastıan Shvaınshtaıger (Havı Martınes 87), Habı Alonso, Tıago Alkantara, Tomas Mıýller (Marıo Getse 87), Robert Levandovskı.
«Barselona»: Mark-Andre ter Shtegen, Danı Alves, Hordı Alba, Herard Pıke, Haver Maskerano, Serhıo Býskets, Ivan Rakıtıch (Jeremı Mate 72), Andres Inesta (Havı), Lýıs Sýares (Pedro Rodrıges 46), Lıonel Messı, Neımar.
Goldar: Mehdı Benatıa 7, Robert Levandovskı 59, Tomas Mıýller 74 – Neımar 15, 29.
Eskertýler: Rafınıa 40, Tıago Alkantara 45+2, Robert Levandovskı 76, Habı Alonso 81, Sebastıan Rode 84 – Ivan Rakıtıch 64, Pedro Rodrıges 85.
