Foto: halykpartiyasy.kz
QHP Abaı oblysy, Aqsýat aýdandyq ókildiginiń basshysy Qaırat Qaıyrbaev jergilikti partııa belsendilerimen «Jańa Konstıtýsııa – Qazaqstannyń quqyqtyq tiregi» taqyrybynda pikirtalas ótkizdi.
Pikirtalas barysynda jańa Konstıtýsııanyń elimizdiń saıası júıesin jańǵyrtýdaǵy róli, azamattardyń quqyǵy men bostandyǵyn qorǵaýdy kúsheıtýdiń mańyzy, sondaı-aq memlekettik basqarý júıesin jetildirýde alatyn orny talqylandy.
Jańa Konstıtýsııa: Sarapshylar qoǵamdyq turaqtylyq pen damýǵa qoldaý bildirdi
Jıynǵa qatysýshylar Konstıtýsııalyq reforma qoǵamnyń damýyna qanshalyqty yqpal etetini jóninde pikir almasty. Basqosý barysynda azamattardyń kókeıindegi suraqtarǵa jaýap berildi.
«Biz ashyq ári syndarly dıalog alańyn qalyptastyrdyq. Mundaı pikirtalas partııa músheleriniń azamattyq belsendiligin arttyryp, qoǵamda bolyp jatqan oqıǵalarǵa jaýapkershilikpen qaraýǵa septigin tıgizedi», dedi partııa ókilderi.
QHP Qyzylorda oblystyq fılıaly «Konstıtýsııalyq reforma – el bolashaǵyna jasalǵan jańa qadam» degen uranmen jańa Konstıtýsııanyń jobasyna arnalǵan keńes ótkizdi. Is-sharaǵa Qyzylorda oblysy Ádilet departamentiniń Quqyqtyq túsindirý jáne zańgerlik qyzmet kórsetý bóliminiń basshysy Aıgúl Qosbergenova, kommersııalyq emes uıymdardy tirkeý jáne baqylaý bóliminiń basshysy Erkin Tájikenov, «Qoǵamdyq kelisim» KMM dırektorynyń orynbasary, tarıh ǵylymdarynyń kandıdaty, PhD doktory Dáýlet Omarov, Qyzylorda oblystyq advokattar alqasynyń advokaty Dınara Serikqyzy jáne qalalyq Jastar resýrstyq ortalyǵynyń dırektory Medet Jorabek qatysty.
Volonterlik qaýymdastyq jańa Konstıtýsııa jobasyn qoldaıtynyn málimdedi
Basqosý barysynda qujatqa engiziletin negizgi ózgerister men tolyqtyrýlar tanystyryldy. Sarapshylar Konstıtýsııalyq reforma qoǵamdaǵy ádilettilikti nyǵaıtýdy, memlekettik ınstıtýttardyń tıimdiligin arttyrýdy jáne azamattyq belsendilikti kúsheıtýdi kózdeıtinin atap ótti. Sonymen qatar qujatta azamattardyń quqyǵy men múddesin qorǵaýǵa basymdyq berilgenin tilge tıek etti.
«Talqylaý partııalyq qurylymdardyń úılesimdi jumysyn kúsheıtýge, ortaq maqsatty naqtylaýǵa jáne júzege asyrylyp jatqan reformany tıimdi iske asyrýǵa baǵyttaldy», dedi uıymdastyrýshylar.
QHP Túrkistan oblystyq fılıalynyń ujymy da belsendilermen birge usynylyp otyrǵan Konstıtýsııa jobasyn talqylady.
«Qazaqstan Halyq partııasy Konstıtýsııalyq reformany talqylaýda belsendi azamattardyń pikirin eskeredi», dedi partııa ókilderi.
Partııa osy baǵyttaǵy kezdesý aldaǵy ýaqytta da jalǵasatynyn málimdedi.
