«Kazakhstan A» komandasy bul kezeńdi rekordtyq ýaqyt – 2 mınýtta oryndap, týrnırlik kestede kósh bastady. Ekinshi oryndy «Kazakhstan B» ıelense, qola júlde «Kazakhstan C» komandasyna buıyrdy.
Sonymen qatar taǵy eki qazaqstandyq komanda úzdik 20-lyqtyń qataryna kirdi. «Kazakhstan D» 19-orynda tur, al odan keıin «Tomiris» qyzdar komandasy ornalasqan. Áıelder komandasy ózderiniń eń úzdik nátıjesin qaıtalap qana qoımaı, birqatar er quramasynan da joǵary nátıje kórsetti.
Úsh kezeńniń qorytyndysy boıynsha «Kazakhstan C» komandasy jalpy esepte birinshi oryndy berik ustap tur. Ekinshi orynda – «Kazakhstan A» komandasy.
Osylaısha, qazaqstandyq arnaıy jasaq 48 elden kelgen 109 komanda baq synap jatqan elıtalyq halyqaralyq týrnırde kósh bastap keledi.
Aıta keteıik, alda UAE SWAT Challenge saıysynyń taǵy eki kezeńi bar.
Aıta keteıik, Qazaqstan arnaıy maqsattaǵy bólimshe komandalary UAE SWAT Challenge (Dýbaı, BAÁ) halyqaralyq týrnırin jeńispen bastaǵanyn habarlaǵan edik.
