Baǵa turaqtylyǵy – basty nazarda

Túrkistan oblysynda jyl basynda baǵanyń ósýi baıqalyp, jedel sharalar qolǵa alyndy. Oblystyq kásipkerlik jáne saý­da basqarmasynyń basshysy Nurjigit Myrzahmetovtiń aıtýynsha, alǵashqyda tutynýshylardyń alańdaýshylyǵyn týǵyzǵan nan baǵasy kóp uzamaı bastap­qy qalypqa keltirildi. Túrkistan­da­ǵy nan kompanııasyna óndirý­shi retinde jeńildetilgen kom­mýnal­dyq tarıfter tizimine en­gizý, arzandatylǵan unmen qamtamasyz etý syndy qoldaý kórsetilip jatyr. Sonymen qatar Turaqtandyrý qory arqyly qarjylanǵan «Insaf» jáne «Ǵajaıyp» nan óndirýshileri kúnine 2 myń nandy naryqqa 70 teńgeden taratyp otyr.

Nan óndirýshiler úshin un baǵasyn arzandatý maqsatynda «Azyq-túlik kelisimshart korporasııasy» ulttyq kompanııasyna arzandatylǵan 2 myń tonna bıdaı alýǵa aýyl sharýashylyǵy basqarmasy tarapynan ótinim usynylǵan.

Al kókónis ónimderi baǵasyn maýsym­aralyq kezeńde turaq­tan­dyrý maqsatynda taýar óndirý­shilermen aldyn ala forvar­d­tyq kelisimder jasaldy. Jel­toq­sannyń sońynan bastap forvardtyq kelisimder arqyly alynǵan kókónis ónimderin naryqqa shyǵarý jumystary bastaldy. Búginde 510 tonna kar­top, 620 tonna qyryqqabat, 268 tonna pııaz, 240 tonna sábiz naryqqa shyǵaryldy. Jalpy alǵanda, aınalym shemasy, forvardtyq kelisimsharttar, qoımadaǵy qorlardy eseptegende, Turaqtandyrý qorynda 22 myń tonna qor bar. «Áleý­met­tik mańyzy bar azyq-túlik ónimderiniń keıbirine jeke toqtalatyn bolsaq, erte pisetin kartoppen oblys halqy 2 ese artyǵymen qamtamasyz etiledi. Oblysta kesh merzimde pisetin 20 myń tonna sábiz óndirilip, qamtamasyz etilýi 81%-dy qura­dy. Búginde turaqtandyrý qo­ryn­da 1,8 myń tonna sábiz bar. Erte mezgilde pisetin sábiz ónim­men oblys halqy 2 ese arty­ǵymen qamtamasyz etilmek. Qus eti, jumyrtqa, balyq eti, ózge de azyq-túlik ónimderimen qamtamasyz etý baǵytynda tıisti jumystar atqarylǵan», deıdi oblystyq aýyl sharýashylyǵy basqarmasy basshysynyń orynbasary Álibek Plalov.

Sondaı-aq basqarma bas­shy­lyǵynyń dereginshe, maýsym­ara­lyq kezeńde baǵanyń turaq­syz­dyǵy bolǵan jaǵdaıda, jınaq­tal­ǵan qor baǵany 6 aıǵa deıin turaqtandyrý úshin qoldanýǵa jetedi. Oblys halqy jyl boıy óńirde óndiriletin áleýmettik mańyzy bar azyq-túlik ónim­de­riniń 17 túrimen tolyq qam­ta­masyz etiledi. «Áleýmettik mańyzy bar 31 azyq-túlik túriniń tek 17 túrimen ózimizdiń taýar óndirýshiler qamtamasyz etýde. Endi qalǵan 14 azyq-túliktiń 9 túrin oblysta óndirýge tolyq múmkindik bar dep esepteımin. Atap aıtqanda, aıran, jumyrtqa, irimshik, sary maı, balyq, súzbe, qaımaq, taýyq eti, rojkı ónimderimen tolyq qamtýymyzǵa ne kedergi? Bul naqty jumys josparynyń joqtyǵy dep sanaımyn. Sondyqtan «Aýyl amanaty» jáne ózge de jobalar men baǵdarlamalar arqyly jergilikti kásipkerler men sharýalardy úılestirip, osy ónimderdi óndirý kerek», dedi oblys ákimi Nuralhan Kósherov.

Azyq-túlik taýarlarynyń baǵasyn retteý boıynsha keshendi is-shara jospary bekitilip, qatań baqylaýǵa alynady. Jaýap­ty­larǵa óńirde azyq-túlik baǵa­la­rynyń negizsiz ósýine jol ber­meý maqsatynda naqty sharalardy qabyldaý júkteldi. Turaq­tandyrý qoryndaǵy áleý­mettik mańyzy bar azyq-túlik taýarlaryn tek qana Túr­kistan qalasyndaǵy 70-ke jýyq iri sýpermarket, bazarlar men áleý­met­tik dúkenderge ǵana emes aýdan,
qalalardaǵy bazarlar, saý­da oryndary men áleý­met­­tik dúken­der­ge de jetkizý min­detteldi.

Túrkistan oblysy