Soltústik Koreıada mınıstr qalǵyp ketkeni úshin atý jazasyna kesildi

ASTANA. 13 mamyr. Atý jazasyna kesilgen Koreıa Halyqtyq Demokratııalyq Respýblıkasynyń (KHDR) taǵy bir sheneýnigine qatysty úkim júzege asty. Bul týraly RIA «Novostı» habarlady. KHDR Halyqtyq qarýly kúshter mınıstri Hen En Chholge Otanyn satty degen aıyp taǵylǵan. Sebebi, ol áskerı shara kezinde qalǵyp ketip, memleket basshysy Kım Chen Ynnyń buıryǵyn oryndaı almaǵan. Nátıjesinde kópshiliktiń aldynda zenıttik qarýmen atyp óltirildi. Japonııanyń Kıodo agenttigi taratqan málimetke súıensek, ólim jazasy 30 sáýirde bolǵan. Hen En Chhol bul qyzmetke 2014 jyldyń maýsym aıynda taǵaıyndalǵan. 2012 jyldyń shilde aıynan 2013 jyldyń mamyryna deıin Soltústik Koreıanyń Bas shtabyn basqardy. Atalǵan qyzmetke KHDR kóshbasshysy Kım Chen Ynnyń eń senimdi adamdarynyń biri, vıse-marshal Lı En Ho otstavkaǵa ketkennen keıin taǵaıyndalǵan bolatyn. KHDR Qarýly kúshteriniń jetekshisin Bas qolbasshy Kım Chen Yn tikeleı basshylyq jasaıtyn memlekettik qorǵanys komıteti taǵaıyndaıdy. Halyqtyq qarýly kúshter mınıstrligi atalǵan komıtetke baǵynady. Elaman Qońyr. Derek, sýret: RIA «Novostı».