Kók tý Qozybasyda jelbirep turýy kerek

Tarıhqa kóz júgirtsek, 1465 jyly ǵu­la­ma ǵalym Mu­hammed Haıdar Dýlatı «Tarıhı Rashıdı» kita­byn­da Kereı men Jánibek ýy­ǵyn qadaǵan Qazaq han­dyǵynyń qu­rylǵan jeri – Shý boıy men Qo­zy­basyda dep aıtylady. «Aqyn­dar syry» atty jınaqta halyq aqyny Kenen Ázirbaevtyń Qozybasyny aıtyp ótken jyrlary basylǵan. Qozybasy ataýy jyr alyby Jambyl aqynnyń «Suranshy batyr» dastanynda da kezdesedi. Onda: «Alataýdyń aty kóp, Sozylyp jatqan qarly jal. Teriskeıi – Uly júz, Kúngeıinde qyrǵyz bar. Tolyp jatqan shoqysy, Shoqysynyń aty bar. Qozybasy – Qordaı jaıasy, Sodan órlep tartylar, Sýyqtóbe, Degeres, Uzynaǵash, Kóktóbe...» dep jyrlaıdy aqyn. Shý ózeniniń boıyndaǵy Atbasy shoqy­synyń janynda sý toraby salynǵan. Osy Atbasy han Keneniń qaraýyl shoqysy bolǵan. Otar stansasynyń batysynda, Qordaı beketiniń soltústiginde Quljabasy shoqysy bar. Ańyraqaı shaıqasynda kóp sarbazdardyń mert bolǵanyna baılanysty Qýshoqy atalyp ketken. Mine, osy atalǵan úsh shoqy bir endiktiń boıynda jatyr. Memleket basshysy Nursultan Nazar­baev­tyń Qazaq handyǵynyń 550 jyldyǵyn atap ótý týraly uıǵarymy qarapaıym ha­lyq­tyń qyzý qoldaýyna ıe bolyp, eldi bir serpiltip tastady.  Eldigimizdi kór­se­te­tin osyndaı dúbirli sharanyń qolǵa alyn­ǵany mereıimdi ósirip, elimizdiń Kók týy Qozybasy jerinde jelbirep tursa degen ti­le­gimdi jurtshylyqqa usynýdy jón kórdim, aǵaıyn. Nurdáýlet ÁLIBEKULY, Jambyl oblysynyń qurmetti azamaty. Jambyl oblysy.