Kezdesýge Aqtaý qalalyq máslıhatynyń depýtaty Janar Jumasheva, Aqtaý qalalyq máslıhatynyń depýtaty Islam Úsenov, Munaıly aýdandyq máslıhatynyń tóraǵasy Berik Bılalov, oblystyq koalısııa múshesi Gúlnaz Kojerbaeva, Munaıly aýdany ardagerler keńesiniń tóraǵasy Chapaı Abılov qatysty.
«Aýyl» partııasy Abaı oblystyq fılıaly aldaǵy referendýmdy qoldaıtynyn bildirdi
Jıynda jańa Konstıtýsııaǵa engizilgen ózgerister men tolyqtyrýlar, qujatta basymdyq berilgen baǵyttar men negizgi qaǵıdalar, sondaı-aq reformalardyń el men qoǵam úshin mańyzy atalyp ótti. Sonymen qatar, atalǵan baǵyttaǵy jumystardy úılestirý maqsatynda oblystyq koalısııa qurylyp, óz qyzmetin bastaǵany aıtyldy.
Jańa Konstıtýsııa jobasy boıynsha referendýmda qansha adam daýys bere alady?
Kezdesý barysynda referendým 15 naýryzda ótetini aıtylyp, onyń mańyzy men Qazaqstannyń árbir azamaty daýys berýge quqyly ekeni jetkizildi.
Mańǵystaýdaǵy «Qazazot» qyzmetkerleri referendýmda daýys beredi
Jıyn sońynda «QTJ» UK» AQ Mańǵystaý magıstraldyq jeli bólimshesiniń dırektory Ernazar Izturǵanov temirjol salasynyń ujymy referendýmǵa belsendi qatysyp, bastamalardy qoldaıtynyn atap ótti.
«Búgin temirjol eńbek ujymy qyzmetkerlerine jańa Konstıtýsııadaǵy ózgerister men tolyqtyrýlardy túsindirý maqsatynda jıyn ótti. Ata zańnyń 84 paıyzy ózgeriske ushyraǵany belgili boldy. Engizilip jatqan ózgeristerdiń ishinde otbasyǵa qatysty máseleler de qamtylǵan. Sonymen qatar, qos palataly parlamenttiń ornyna bir palataly parlamenttiń qurylýy da mańyzdy ózgeristerdiń biri. Referendým 15 naýryzda ótedi dep belgilenip otyr. Sol sebepti barlyq jumysshylardy qatysýǵa shaqyramyz. О́zimiz de qatysamyz jáne áriptesterimizdi birge bolýǵa úndeımiz. Temirjol ujymy atynan bul bastamany qoldaıtynymyzdy bildiremiz», dedi Bekzat Izturǵanov.
