Oblys ákimi Qumar Aqsaqalov pen «Qazaqstan halqyna» qorynyń basqarma tóraǵasy Lázzat Shyńǵysbaeva onkologııalyq aýrýhanaǵa baryp, jańa apparattyń jumysymen tanysty. Mamandar mundaı qymbat ári asa qajet qurylǵynyń óńirge birinshi ret ákelingenin aıtady.
Qaterli isik: Eldiń onkologııalyq kartasynda qandaı ózgerister bar?
Dárigerlerdiń aıtýynsha, zamanaýı tehnologııanyń jemisi sanalatyn «Halcyon» jelilik údetkishi onkologııalyq aýrýlardy jyldam, dál ári qaýipsiz qashyqtyqtan sáýlemen emdeıdi. Basty artyqshylyǵy – emdeý júrip jatqanda naýqastyń jany qınalmaıdy, janama áserler azaıady jáne emdeý ýaqyty burynǵydan edáýir qysqarady.
− «Halcyon» jelilik údetkishi radıoterapııanyń halyqaralyq standarttaryna sáıkes keledi jáne emdeýdiń sapasyn arttyrady. Bizde buǵan deıin mundaı «aqyldy» apparat bolǵan joq. Sondyqtan dertin asqyndyryp alǵan naýqastardy Astana, Almaty tárizdi iri ortalyqtarǵa jiberýge májbúr bolyp keldik. Endi jańa qondyrǵy mundaı naýqastardy osy aýrýhanada emdeýge múmkindik berip otyr. Munyń syrtynda, bıýdjet qarajaty únemdeledi. Sondaı-aq, joǵary tehnologııalyq onkologııalyq kómek qoljetimdi bola túsedi, − deıdi dárigerler.
