2024 jyly «KOKSHE» ÁKK» AQ 35 qaryz alýshyǵa jalpy kólemi 11 mlrd teńge nesıe bergen. Al 2025 jyly qarjylandyrý qarqyny edáýir artty: qazirgi tańda 160 kásipker 46,5 mlrd teńge kóleminde qarajatqa qol jetkizdi. Bul óńirdegi agrobıznestiń belsendi damyp kele jatqanyn kórsetedi.
10 kúnde jeńildetilgen nesıe: Úkimet bıznesti qoldaýdyń jańa tetikterin ázirlep jatyr
2026 jylǵa jospar da aýqymdy. «Agrarlyq nesıe korporasııasy» AQ men «KOKSHE» ÁKK» AQ aýyl sharýashylyǵy taýaryn óndirýshilerdi jyl saıyn 35 mlrd teńgege deıin qarjylandyrýdy kózdeıtin kredıttik jeli ashý jóninde negizdemelik kelisim jasasty. Baǵdarlamanyń basty artyqshylyǵy – jyldyq 5% mólsherlememen beriletin nesıe. Sonymen qatar qaryz somasynyń 85%-yna «Damý» kásipkerlikti damytý qory kepildik beredi, bul sharýalar úshin táýekeldi aıtarlyqtaı azaıtady.
Qazir Aqmola oblysynda egin jınaý naýqanyna daıyndyq qarqyndy júrip jatyr. Fermerlerge janar-jaǵarmaı, tuqym, aýyl sharýashylyǵy tehnıkasyna qajetti qosalqy bólshekter satyp alýǵa jáne jumysshylardyń eńbekaqysyn tóleýge qarjy qajet. «Keń Dala 2» baǵdarlamasy osy shyǵyndardy der kezinde jabýǵa múmkindik berip, sharýalardyń óndiristi tıimdi uıymdastyrýyna jaǵdaı jasaıdy.
«Jeńildetilgen nesıe alyp beremin»: Astanada alaıaqqa úkim shyqty
Nátıjesinde myńdaǵan fermer óz sharýashylyǵyn keńeıtip, ónimdilikti arttyryp, eldiń azyq-túlik qaýipsizdigin nyǵaıtýǵa úles qosady.
