Foto: Eńbek jáne áleýmettik qorǵaý mınıstrliginiń baspasóz qyzmeti
Ortasha mólsher
Qazirgi tańda jıyntyq zeınetaqynyń ortasha kólemi 157 843 teńgeni quraıdy. Onyń ishinde:
-
yntymaqty zeınetaqy – 103 931 teńge,
-
bazalyq zeınetaqy – 53 912 teńge.
Bul kórsetkishter zeınetaqy júıesiniń eki deńgeıli qurylymyna negizdelgen.
Ulttyq qordan 10 jyl ishinde jumsalmaǵan qarjy zeınetaqy shotyna aýdarylady
Bazalyq zeınetaqy qalaı esepteledi?
2018 jylǵy 1 shildeden bastap memlekettik bazalyq zeınetaqy ár azamatqa zeınetaqy júıesindegi eńbek ótiline qaraı jeke taǵaıyndalady.
Eńbek ótiline 1998 jylǵy 1 qańtarǵa deıingi yntymaqty júıedegi jumys kezeńi, sondaı-aq mindetti zeınetaqy jarnalary aýdarylǵan ýaqyt kiredi.
Eger azamattyń júıedegi ótili 10 jyl nemese odan az bolsa, bazalyq tólem eń tómengi kúnkóris deńgeıiniń 70 %-y mólsherinde belgilenedi. 10 jyldan asqan ár jyl úshin tólem kólemi 2 %-ǵa ulǵaıady.
Máselen:
-
20 jyl eńbek ótili bolsa – 90%,
-
34 jyl jáne odan kóp bolsa – kúnkóris deńgeıiniń 118%-y tólenedi.
Bir aı ishinde mindetti zeınetaqy jarnalary birneshe ret aýdarylsa da, esepteý barysynda ol bir aılyq qatysý merzimi retinde sanalady.
Sondyqtan mindetti jarnalar neǵurlym turaqty ári tolyq kólemde aýdarylsa, zeınet jasyna jetkende bazalyq tólem soǵurlym joǵary bolady.
Yntymaqty zeınetaqy nege baılanysty?
Jasyna baılanysty zeınetaqy mólsheri 1998 jylǵy 1 qańtarǵa deıingi eńbek ótiline (keminde 6 aı bolýy shart) jáne zeınetke shyǵar aldyndaǵy ortasha aılyq tabysqa qaraı aıqyndalady.
Osylaısha zeınetaqy kólemi azamattyń eńbek joly men zeınetaqy jarnalarynyń júıeliligine tikeleı baılanysty. Áleýmettik tólemderdiń turaqtylyǵy – memleket saıasatynyń basym baǵyty.
