Oblystyq aýyl sharýashylyǵy basqarmasy basshysy Asqar Júsibálıevtiń habarlaýynsha, egis naýqanyna 1,5 myń traktor, 100-den astam egis kesheni, 1,4 myń dánsepkish jáne 1,8 myń jer jyrtatyn tehnıka daıyn. Bıyl Aqtóbe oblysyna egistik jumystaryna 7,9 myń tonna jeńildetilgen jaǵarmaı otyny bólindi. Ázirge sharýalarǵa jańarmaıdyń ár lıtri qandaı baǵamen jetkiziletini belgisiz. Dalalyq jumystarǵa bólinetin otyn baǵasyn Energetıka mınıstrligi bekitkennen keıin jetkizýshi operator belgileıdi.
Egis alqabyndaǵy jumystardy ýaqtyly aıaqtap, astyqty der kezinde jınap alý qajet - Prezıdent
Osy jyly «Keń dala-2» baǵdarlamasymen egis naýqanyna 5 %-dyq jyldyq mólsherlememen nesıe berý jalǵasyp jatyr. Qazirgi ýaqytta sharýalar 1,7 mlrd teńge jeńildetilgen nesıe alyp úlgergen. Oǵan qosa ósimdik sharýashylyǵyn sýbsıdııalaýǵa 2,1 mlrd teńge qarastyryldy. Jyl saıyn shildeniń aptap ystyǵynda shegirtkeler qaptap, egistikke orasan zor zııan keltirip jatady. Aýyl sharýashylyǵy basqarmasynyń deregine qaraǵanda, bıyl zııankesterdiń 160 myń gektar alqapqa taralý qaýpi bar. Sol sebepti qumdy alqaptarda ýlaý jumystaryn erterek qolǵa alý pysyqtaldy.
