- Jeksenbide qazaqtyń tanymal aralas jekpe-jek sheberi Álibı Ydyrys (10-1) UFC-degi tusaýkeser kezdesýin ótkizip, Hıýston (AQSh) qalasynda jergilikti faıter Odı Osbornmen (13-9) aıqasty. Básekeni basynan aıaǵyna deıin óz baqylaýyna ustaǵan Álibı qarsylasyna qaraǵanda soqqyny kóbirek, dál jumsady. Teıkdaýnda da bizdiń sportshynyń basymdyǵy baıqaldy. Tóreshiler Ydyrystyń myqtylyǵyn biraýyzdan moıyndady.
- 3-8 naýryz aralyǵynda Estonııa astanasy – Tallınde mánerlep syrǵanaýdan jastar arasyndaǵy álem birinshiliginiń jalaýy jelbireıdi. Baltyq jaǵalaýynda el namysyn qyzylordalyq Artýr Smaǵulov pen astanalyq Karına Sheına qorǵasa, qosalqy quramǵa Safııa Abaeva, Veronıka Kım, Anna Sannıkova enip otyr.
- Dýbaıdaǵy WTA 1000 týrnıri amerıka-lyq tennısshi Djessıka Pegýlanyń jeńisimen aıaqtaldy. Sheshýshi synda ol ýkraınalyq Elına Svıtolınaǵa 6:2, 6:4 esebimen utty. Parsy shyǵanaǵynda Elena Rybakına da óner kórsetken edi. Alaıda jaraqatyna baılanysty úshinshi kezeńde jarys jolynan shyǵyp qaldy. Serbııalyq Aleksandra Krýnıchpen juptasqan Anna Danılına jartylaı fınalǵa deıin jetti. Bul mejede olar kanadalyq Gabrıela Dabrovskı men brazılııalyq Lýıza Stefanıden utyldy.
- Germanııanyń Kotbýsinde sporttyq gımnastıkadan ótken Álem kýboginiń «at» jattyǵýynda Narıman Qurbanov (14,933 upaı) qola medaldy ıelendi. Parıj Olımpıadasynyń kúmis júldegeri tek ıtalııalyq Gabrıel Targetta (15,000) men armenııalyq Mamıkon Hachatrıandy (14,966) alǵa jiberdi. Dál osy jattyǵýda Zeınolla Ydyrysov (14,833) tórtinshi orynǵa taban tiredi.
