Sonymen qalanyń Alataý, Almaly, Áýezov, Bostandyq jáne Túrksib aýdandarynda bes jańa jastar komıýnıtı ortalyǵyn iske qosý kózdelgen. Jańa alańdar ashylǵannan keıin olardyń qaladaǵy jalpy sany 16-ǵa jetedi.
Infraqurylymdy keńeıtý nátıjesinde jastardy qamtý kórsetkishi 570 myńnan keminde 700 myń adamǵa deıin ulǵaımaq. Komıýnıtı ortalyqtar bazasynda keminde 3 myń is-shara ótkizý josparlanǵan. Sonymen qatar jumyspen qamtý, psıhologııalyq jáne quqyqtyq qoldaý baǵyttary boıynsha kórsetiletin keńes sany 22 myńnan asady.
Buǵan qosa qalada alǵash ret keminde jastardyń 8 úkimettik emes uıymyn quryp, damytý josparlanyp otyr. Olar ekologııalyq, patrıottyq, eriktilik syndy basqa da baǵyttarda da jumys istep, komıýnıtı ortalyqtardyń qoldaýymen jobalyq komandalar retinde qyzmet atqarady. Bul uıymdar jastardy qala deńgeıindegi máselelerdi birlesip sheshýge múmkindik beredi.
«Infraqurylymdy damytý jastarǵa kórsetiletin qyzmettiń qoljetimdiligin arttyryp, olardy qalanyń áleýmettik, mádenı jáne bilim berý bastamalaryna belsendi túrde tartýǵa baǵyttalǵan», deıdi Almaty qalasy Jastar saıasaty basqarmasynyń mamandary.
Aqsý jastary oblys ákimimen jańa Konstıtýsııa jobasyn talqylady
