Oblystyq jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Gúlbolat Amanǵalıevanyń aıtýynsha, kvotamen qonys aýdarǵan qandastarǵa bir ret beriletin kóshý sýbsıdııasy otbasynyń ár múshesine 70 aılyq eseptik kórsetkish mólsherinde tólenedi.
«Turǵyn úıdi jaldaý jáne kommýnaldyq qyzmetterge jumsalatyn shyǵyndar aı saıyn óteledi. Bul qoldaý 12 aıdan aspaıtyn merzimge beriledi. Tólem kólemi qonystanǵan eldi mekenge jáne otbasy músheleriniń sanyna qaraı aıqyndalady. Qandastarǵa turǵyn úı satyp alý úshin ekonomıkalyq mobıldilik sertıfıkaty usynylady. Bul turǵyn úı qunynyń 50 paıyzyna deıingi mólsherdi quraıdy. Biraq 1625 aılyq eseptik kórsetkishten aspaıdy. Sertıfıkat bastapqy jarna retinde qoldanylady. Qandastar qonystanatyn eldi mekenderdiń tizimi men otbasy sany aıqyndaldy», dep habarlady Gúlbolat Amanǵalıeva.
О́zin qandas dep tanystyrǵan aýǵanstandyq memleket qarjysyna páter alǵan
Onyń málimetine súıensek, jyl basynan beri oblysqa 21 otbasy kóship kelgen. Bul otbasylardaǵy 34 etnıkalyq qazaq qandas mártebesin alǵan.
«Qandastar О́zbekstan, Reseı, Túrikmenstan men Qytaı elinen qonys aýdardy. Olardyń bári Atyraý qalasyna ornalasty. Elimizde «Qandas mártebesin berý nemese uzartý» jáne «Qazaqstan Respýblıkasynda turaqty turýǵa ruqsat berý» qyzmetteri pılottyq formatta iske qosyldy. Jańa tártipke sáıkes úmitkerler sıfrlyq baǵalaýdyń birneshe kezeńinen ótedi. Sátti ótkenderge qandas mártebesi 5 jyl merzimge beriledi», dep málim etti G. Amanǵalıeva.
