Páter kiltterin saltanatty túrde tapsyrý rásimine aýdan ákimi Qaıyrjan Jaqsymbetov qatysty. Aýdan basshysy halyqty turǵyn úımen qamtamasyz etý kún tártibindegi ózekti másele ekenin, bul baǵytta aýqymdy jumystar atqarylyp jatqanyn atap ótti.
«Búgin uzaq jyl boıy kezekte turǵan 60 azamattyń qýanyshyna kýá bolyp otyrmyz. Byltyr áleýmettik osal toptaǵy azamattarǵa 269 úı men páter satyp alyndy. Bıyl О́tegen batyr aýylynda jańa salynǵan 144 páterdi tapsyrý, sonymen qatar áleýmettik osal sanattaǵy azamattarǵa taǵy 36 páter satyp alý josparda bar», dedi ákim.
Jańa qonys ıeleriniń biri Sársengúl Ábdikerimqyzy: «Úı kezegine kópbalaly ana retinde tirkeldim. 15 jyl boıy sabyrmen kútip, óz baspanama qol jetkizdim. Tórt qyz, bir ulym bolǵandyqtan, úsh bólmeli páter buıyrdy. Sapasy kóńilimizden shyqty. Qýanyshtymyz, alǵysymyz sheksiz», dep aǵynan jaryldy.
Almaty oblysy
