Sybaılas jemqorlyq ekonomıkalyq ósýdi baıaýlatady, ınvestısııa tartýǵa kedergi jasaıdy jáne áleýmettik teńsizdikti kúsheıtedi. Mysaly, bilim berý nemese densaýlyq saqtaý salalaryndaǵy jemqorlyq halyqtyń ómir sapasyna tikeleı áser etedi. Sonymen qatar, ol jastardyń bolashaqqa degen senimin azaıtyp, adal eńbekke degen yntasyn tómendetedi.
Qazaqstan Respýblıkasynyń Sybaılas jemqorlyqqa qarsy is-qımyl agenttigi elimizde jemqorlyqtyń aldyn alý, anyqtaý jáne jolyn kesý baǵytynda júıeli jumystar júrgizedi. Agenttik halyqpen keri baılanys ornatyp, aldyn alý sharalaryna basymdyq beredi. Sonymen qatar, memlekettik qyzmetterdiń ashyqtyǵyn arttyrý, sıfrlandyrý úderisterin engizý arqyly táýekelderdi azaıtýǵa kúsh salynyp keledi.
Qazaqstanda sybaılas jemqorlyqqa qarsy zańnamalar jetildirilip, memlekettik qyzmetshilerdiń jaýapkershiligi kúsheıtildi. «Adaldyq alańy», «Sanaly urpaq» sııaqty jobalar arqyly jastar arasynda adaldyq qundylyqtaryn qalyptastyrý kózdelgen.
Jemqorlyqpen kúreste árbir azamattyń belsendiligi mańyzdy. Eger qoǵam ádiletsizdikke tózbeýshilik tanytsa, zań buzýshylyqtardy habarlap otyrsa, bul indettiń aldyn alýǵa bolady. Adaldyq, ádildik jáne jaýapkershilik – órkenıetti qoǵamnyń basty qaǵıdalary.
Sybaılas jemqorlyqqa qarsy kúres – uzaq ári júıeli úderis. Ol úshin memleket pen qoǵam birlese áreket etýi tıis. Árbir azamat zańdy qurmettep, para berýden de, alýdan da bas tartsa, ádiletti ári damyǵan memleket qurýǵa tolyq múmkindik bar. Adal qoǵam – jarqyn bolashaqtyń negizi.
Serik ASILBEKOV,
QR Sot ákimshiligi Áskerı soty departamentiniń
Ishki qaýipsizdik bóliminiń basshysy
