Memlekettik hatshy Japonııa elshisimen kezdesti

ASTANA. 13 mamyr. Memlekettik hatshy Gúlshara Ábdiqalyqova Japonııanyń Qazaqstandaǵy tótenshe jáne ókiletti elshisi Masaesı Kamoharamen kezdesti. Bul týraly akorda.kz habarlady. Kezdesýge sondaı-aq, Qazaqstan tarapynan – Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary, Májilis depýtaty E.Tarasenko, Japonııa jaqtan – Parlamenttik bilim, mádenıet, sport, ǵylym jáne tehnologııa aǵa vıse-mınıstri M.Fýdzıı, Mádenıet agenttiginiń dúnıejúzilik muralar jónindegi bóliminiń dırektory T.Okamota qatysty. Kezdesýdi ashqan Memlekettik hatshy Japonııa Qazaqstannyń mańyzdy strategııalyq seriktesi ekenine toqtaldy. Gúlshara Ábdiqalyqova Memleket basshysynyń 2008 jyldyń maýsym aıynda Japonııaǵa jasaǵan saparynyń nátıjesi strategııalyq seriktestikti nyǵaıtýǵa yqpal etkenin aıryqsha atap ótti. Ol Qazaqstan men Japonııanyń úkimettik jáne jekemenshik sektorlarynyń ekonomıkalyq yntymaqtastyq jónindegi birlesken komıssııasynyń qyzmetin joǵary baǵalady. Máselen, 2014 jyly eki el arasyndaǵy taýar aınalymy 1,7 mlrd. dollardy qurady. Áńgime barysynda áleýmettik-gýmanıtarlyq saladaǵy Qazaqstan-Japonııa qarym-qatynasyn damytýdyń ózekti máseleleri qozǵaldy. Gúlshara Ábdiqalyqova eki el halyqtarynyń artyp kele jatqan ózara múddelestigi jaǵdaıynda mádenı almasýlardyń mańyzdylyǵyna erekshe toqtalyp, mádenıet salasynda ekijaqty kelisim jasaý múmkindigin qarastyrýdy usyndy. Sonymen qatar, taraptar genderlik teńdik máselelerin, sonyń ishinde 1995 jyly ótken BUU-nyń áıelder ahýaly jónindegi tórtinshi búkilálemdik konferensııasynda qabyldanǵan Pekın deklarasııasy jáne is-qımyldar tuǵyrnamasy aıasyndaǵy máselelerdi talqylady. Kezdesý sońynda elshi Memlekettik hatshyǵa Japonııanyń Premer-Mınıstri S.Abeniń bıyl tamyz aıynda Tokıoda ótetin II Búkilálemdik áıelder konferensııasyna shaqyrtýyn tabys etti. Elaman Qońyr. Derek, sýret: akorda.kz.