Strategııalyq tańdaý

Barlyq is-shara «Jańa Konstı­týsııa – uzaqmerzimdi damýdyń be­rik negizi» taqyryby aıasynda ótti. Son­daı-aq kezdesýlerde Memleket bas­shysy aıqyndap bergen refor­malardyń basym baǵyttary, Ata zańnyń negizgi jańa normalary jáne Prezıdent tapsyrmalaryn júzege asyrý aıasyndaǵy birlesken jumys tetikteri talqylandy.

Senat tóraǵasy atap ótkendeı, konstıtýsııalyq reforma – aı­ryqsha mańyzǵa ıe tarıhı oqıǵa jáne demokratııany nyǵaıtý jolyn­daǵy naqty qadam. Jańa Kons­tıtýsııa – Memleket basshysy­nyń bastamasymen qolǵa alynǵan reformalardyń tikeleı nátıjesi. Bul ózgerister saıası ınstıtýttardy qaıta jańǵyrtyp, elimizdiń tıimdi ári zamanaýı basqarý úlgisine kezeń-kezeńimen kóshýin qamtamasyz etedi.

«Konstıtýsııalyq reforma – Prezıdent Qasym-Jomart Toqaevtyń elimizdiń saıası júıesin aýqym­dy jáne keshendi jańǵyrtýǵa arnal­ǵan bastamalarynyń zańdy ári dáıek­ti jalǵasy. Jańa Konstıtýsııa jobasy zań men tártip qaǵıda­ty­na, azamattardyń múddesi men quqyqtaryna taban tireıdi. Jalpy, bul sheshim – zamanaýı memleket modeline ótý jolyndaǵy sanaly jáne batyl qadam. Ata zańdaǵy konseptýaldy ózgertýlerdiń biri adam quqyqtary men bostandyqtary memlekettiń eń joǵary qundylyǵy retinde bekitilýi ekenin atap ótken jón. Jańa Konstıtýsııadaǵy dál osy qaǵıda memlekettik qury­lym­nyń barlyq júıesiniń ne­gi­zin qalyptastyrady», dep M.Áshimbaev máslıhat depýtattarymen birlesip atqaratyn aldaǵy ortaq mindetterdi tilge tıek etti.

Sonymen qatar Senat spıkeri óńirdiń óndiristik, ǵylymı áleýe­tine erekshe nazar aýdaryp, qorshaǵan ortany qorǵaý sala­syndaǵy syn-qaterlerge de toq­tal­dy. Sondaı-aq ol jańa Kons­tıtýsııadaǵy ekologııalyq normalar halyqtyń densaýlyǵyn saqtap, kásiporyndardyń jumysyna ınnovasııalyq tehnologııalardy engizýdi qamtamasyz etetin strate­gııalyq mańyzǵa ıe ekenin aıtty.

«Jańa Konstıtýsııadaǵy eko­logııalyq erejelerdiń Shyǵys Qazaqstan úshin mańyzy zor. Al­ǵash ret tabıǵatqa qamqor­lyq ta­nytý memlekettiń irgeli qundy­lyqtarynyń biri retinde bekitildi. Ornyqty damý, ekologııalyq qaýip­sizdik jáne keler urpaqqa qam­qor­lyq jasaý – elimizdiń stra­tegııalyq tańdaýy. Sondaı-aq bul – zamanaýı standarttardy en­gizý, ozyq tehnologııalarǵa kóshý jáne ekologııalyq eseptiliktiń ashyqtyǵyn qamtamasyz etý degen sóz. Búginde memleket ǵylymdy, bilimdi, ekologııalyq bastamalardy, jańa tehnologııalar men sıfrlyq sheshimderdi belsendi qoldap otyr. Dál osy baǵyttar elimizdiń jahandyq básekege qabilettiligin arttyrady. Munyń bári Ádiletti Qazaqstan ıdeıasyn júzege asyrýdyń jarqyn kórinisi ekeni anyq», dedi palata
tóraǵasy.

Is-sharalarda jańa Ata zań eli­mizdiń uzaqmerzimdi turaq­ty­lyǵy men ulttyq qaýipsiz­di­gin qamtama­syz etetin jáne ser­pindi damýǵa negiz bolatyn saıa­sı qu­rylymdy qalyptasty­ra­­ty­­ny týraly da sóz boldy. Jas­­tar men etnomádenı birlestikter ókilderimen kezdesýde konstıtýsııalyq ózgerister búgingi jahandyq syn-qaterler jaǵdaıynda tıimdi jumys isteıtin saıası júıe qurýǵa baǵyttalǵany aıtyldy. M.Áshimbaev bul refor­malardyń sapaly júzege asyrylýy, jalpy eldiń damýy jastardyń qoǵamdyq-saıası úderisterge sanaly túrde qatysýyna, sondaı-aq olardyń bastamashyldyǵy men kásibı qabiletterine tikeleı baılanysty ekenin de atap ótti.

«Prezıdent eńbekqorlyq, kásibı biliktilik, jasampazdyq jáne úzdiksiz bilim alý qundy­lyqtarynyń mańyzyna únemi basa mán berip keledi. Bul qaǵıdattar Memleket basshysy usynǵan «Adal azamat» tujyrymdamasynda kóri­nis tapqan. Ol Abaıdyń «Tolyq adam» ilimimen úndesetini belgili. Búginde jastardyń belsendilik tanytyp, qoǵamdyq talqylaýlarǵa qatysýy, dıalog mádenıetin ilgeriletýi jáne eldiń bolashaǵyna jaýapkershilikpen qaraýy asa mańyzdy. О́ıtkeni reformalardyń tabysty júzege asýy, elimizdiń ári qaraı qarqyndy damýy jas býynnyń ustanymyna tikeleı baılanysty», dedi M.Áshimbaev.

Ol sondaı-aq Senat janynda bes jyldan beri jumys istep kele jatqan, jas mamandardyń taldaý qabiletin jetildirýge baǵyttalǵan Sarapshylar klýby men «Taldaý mektebiniń» qyzmetine toqtaldy.

Sapar aıasynda Senat tóraǵa­sy D.Serikbaev atyndaǵy Shyǵys Qa­zaqstan tehnıkalyq ýnıversı­tetiniń, О́skemen tıtan-magnıı kombınaty jáne «Vostok-moloko» korporasııasynyń ujymdarymen kezdesti. Sondaı-aq Lý Ban sheberhanasyna at basyn buryp, «Avtomobılderdiń Smart-tehno­logııasy» zerthanasynyń qyzmetimen tanysty.