Foto: Memlekettik kirister komıteti
Jańa kabınet
Jańa kabınette mynadaı salyq eseptiligi nysandarynyń jańartylǵan úlgileri ornalastyrylǵan:
-
Jeke tabys salyǵy jáne áleýmettik salyq boıynsha deklarasııa (200.00 SEN);
-
Aksız boıynsha deklarasııa (910.00 SEN);
-
Oıyn bıznesi salyǵy jáne tirkelgen salyq boıynsha deklarasııa (710.00 SEN).
Atalǵan nysandar salyq tóleýshilerdiń mindettemelerin naqty ári ýaqtyly oryndaýyna múmkindik beredi.
SÁIJ Salyq tóleýshiniń jańa kabınetine knp.kgd.gov.kz siltemesi arqyly kirýge bolady. Komıtet ókilderi barlyq salyq tóleýshilerdi eseptilikti tapsyrý kezinde jańa nusqalardy paıdalanýǵa shaqyrady.
Mańyzdysy – Salyq tóleýshiniń eski kabınetinde jáne SEО́S aqparattyq júıesinde 2026 jylǵa arnalǵan salyq eseptiligi nysandarynyń jańa nusqalary qoljetimdi emes. Sondyqtan deklarasııalardy tapsyrý barysynda jańartylǵan júıeni paıdalaný qajet.
Qurylymdyq bólimsheler
Memlekettik kirister komıteti derbes salyq tólemeıtin qurylymdyq bólimshelerge qatysty da naqty túsindirme berdi. Eger uıymnyń mundaı bólimsheleri bolsa, jeke 200.03 SEN qujatyn usyný talap etilmeıdi. Eseptelgen somalar bas uıym tapsyratyn 200.00 SEN deklarasııasynyń 200.03 qosymshasy arqyly tıisti bólimshelerdiń jeke shottarynda kórsetiledi.
Salyq eseptiligi nysandary jáne olardy toltyrý jónindegi túsiniktemeler Qazaqstan Respýblıkasy Qarjy mınıstriniń 2025 jylǵy 12 qarashadaǵy №695 buıryǵymen bekitilgen. Bul qujat «Eseptilikti jasaý boıynsha túsinik berilgen salyqtyq eseptiliktiń nysandaryn jáne olardy usyný qaǵıdalaryn bekitý týraly» buıryq aıasynda qabyldanǵan.
Suraqtar týyndaǵan jaǵdaıda salyq tóleýshiler knpsd@ecc.kz elektrondy poshtasy arqyly qoldaý qyzmetine júgine alady.
Jańartylǵan júıe salyqtyq ákimshilendirýdi sıfrlandyrýdy tereńdetip, eseptilik úderisin ashyq ári tıimdi etýdi kózdeıdi.
Salyq tóleýshi «Sıfrlyq bıýdjet» arqyly óz aýdarymyn kóre alady
