Atyraý oblysynda maıdanger-munaıshylarǵa 500 myń teńgeden berildi

ATYRAÝ. 13 mamyr. Atyraý oblysyndaǵy «Embimunaıgaz» aksıonerlik qoǵamy soǵysqa qatysqan maıdanger-munaıshynyń árqaısysyna 500 myń teńgeden qarjylaı kómek berdi. Bul týraly egemen.kz tilshisi habarlady. Ekinshi dúnıejúzilik soǵystan elge oralyp, otandyq munaı-gaz ónerkásibiniń qaryshtap damýyna eseli eńbegimen úlesin qosqan maıdanger-munaıshylardyń qatary azaıyp barady. «Embimunaıgaz» aksıonerlik qoǵamy bas dırektorynyń orynbasary Qýandyq Kalıdýllınniń aıtýynsha, búginde atalǵan kásiporynnyń qurylymdyq fılıaldarynda jumys jasaǵan 15 maıdanger qalǵan. Kásiporyn basshylyǵy Uly Jeńistiń 70 jyldyq merekesine oraı olardyń árqaısysyna 500 myń teńgeden qarjylaı kómek berdi. «Bizdiń ujymnyń qalyptasý kezeńine aǵa urpaqtyń qosqan úlesi aıryqsha, eńbegi eren dep esepteımiz. Biz ardager-munaıshylardy, sonyń ishinde, soǵys jáne tyl ardagerlerin únemi qurmetteýden jalyqpaımyz. О́ıtkeni, elimizdiń negizgi tabıǵı baılyǵy – munaı men gazdy ıgerýdiń bastaýynda aǵa býyn ókilderi turady. Ásirese, soǵys jyldaryndaǵy munaıshylardyń qajyrly eńbegi Uly Jeńisti jaqyndata tústi. Biz «Embimunaıgaz» qurylymdarynda eńbek etken 15 soǵys ardageriniń árqaısysyna 500 myń teńgeden, al tyl ardagerlerine 20 myń teńgeden qarjylaı qoldaý kórsetýdi uıǵardyq», – deıdi «Embimunaıgaz» aksıonerlik qoǵamy bas dırektorynyń orynbasary Qýandyq Kalıdýllın. Joldasbek Shópeǵul. Derek, sýret: egemen.kz.