Bilim salasyn jetildirýdiń basymdyqtary belgilendi

Otyrys barysynda Aıda Balaeva bilim berý qoǵamnyń asa mańyzdy baǵyty ekenine toqtaldy. Jańa Konstıtýsııa jobasynda bilim salasynyń máni aıqyndalyp, mańyz­dy qundylyq retinde kórinis tapqanyn atap ótti. Sonymen qatar Premer-mınıstr orynbasary Memleket basshysynyń tapsyrmasy boıynsha 2030 jylǵa deıingi kezeńdi qamtıtyn «Qazaqstan balalary» tujyrymdama­sy qabyldanǵanyn tilge ­tıek etti. Bul qujat eldegi árbir balany qamtyp, qaýip­sizdikke, sapaly bi­lim­ge, densaýlyqqa, otba­syna jáne áleýmettik qor­ǵaýǵa qatysty negizgi mem­l­ekettik sharalardy bir­yńǵaı júıege biriktiredi.

Jıynda bilim sala­syndaǵy jetistikter de ataldy. Qazaqstan álemdegi halyq sanyna shaqqanda oqýshylary eń kóp 10 eldiń qataryna engen. Sonymen birge alqaly jıynda saladaǵy ózekti máseleler de qozǵaldy. Osy oraıda Aıda Balaeva mektepke deıingi jáne bas­taýysh bilimniń sapasyn arttyrýdy tapsyrdy. Mektep oqýlyqtaryna taldaý júrgizip, olardy balalardyń jas erek­sheligine saı ázir­leý kerektigin jáne pedagog­terdiń biliktiligin arttyrý qajettigin atap ótti. Aıda Balaevanyń pikirinshe, balalarǵa basa nazar aýdaryp, olardyń synı oılaý qabiletin damytý jáne alǵan bilimin tájirıbede qol­daný daǵdysyn qa­lyp­tastyrý – negizgi mindet.

Jıynda pedagogterdiń JI tehnologııalaryn meńgerýi máselesine den qoıylyp, muǵalimderdi qaıta daıarlaý qajettigi de qozǵaldy. Osyǵan baı­lanysty barlyq beıindi pedagogıkalyq joǵa­ry oqý oryndarynda ja­sandy ıntellekt fakýl­tetterin ashý tapsyryldy.

Budan bólek vıse-premer tehnıkalyq jáne kásiptik bilim júıesin de qaıta qaraý qajettigin málimdedi. Atap aıtsaq, qar­jylandyrý tetigin je­til­­dirý, eńbek naryǵyn jú­ıe­li zertteý jáne dýal­dy oqytý úlgisin engizý bo­ıynsha shuǵyl shara­lar qabyldaý tapsyryldy.

Alqa otyrysynda ınklıý­zıvti bilim máse­lesi de aıryqsha ata­lyp ótti. Úkimet basshy­sy­nyń orynbasary erekshe bilim berý qajettiligi bar balalardy oqytýǵa barlyq jaǵdaı jasalýy kerektigin erekshe atap ótti. Kadr tapshylyǵyn sheshý maqsatynda beıindi kafedralar ashý, ınklıýzııa boıynsha mindetti pánderdi engizý jáne pedagogterdi qaıta daıar­laý baǵdarlamalaryn ázirleý jóninde naqty tap­syr­malar berildi.

Sonymen qatar Premer-mınıstr oryn­ba­sary Oqý-aǵartý mı­nıstr­ligine qoldanystaǵy oqýlyqtardy irikteý tásil­derin shuǵyl túrde qaıta qarap, olardy ázirleý men saraptaý sapasyn arttyrýdy tapsyrdy.

Aıda Balaeva tárbıe men ıdeologııalyq ju­mysty kúsheıtý máse­lesine de arnaıy toq­tal­dy. Bul baǵyttaǵy jumys­tar Prezıdent bekit­ken Ishki saıasattyń negiz­gi qaǵıdattary men qun­dylyqtaryna negizdelýge tıis ekeni atalyp ótti.

Jıyn barysynda Juldyz Súleımenova baıan­­dama jasady. Oqý-aǵartý mınıstri saladaǵy ót­ken jylǵy qyzmet qory­tyn­dysyna toq­talyp, aldaǵy kezeńge arnalǵan negizgi mindetter men basym baǵyttardy tanystyrdy.