ASTANA. 13 mamyr. Qyzylorda oblysy Qazaly aýdanynda «Nur Otan» partııasynyń saıası doktrınasyn iske asyrýǵa baǵyttalǵan «Myqty bıznes – qýatty memleket» atty jas kásipkerler forýmy ótti. Bul týraly egemen.kz habarlady.
Forýmdy aýdan ákiminiń orynbasary B.Jarylqap ashyp, júrgizip otyrdy. Oǵan «Nur Otan» partııasy Qyzylorda oblystyq fılıaly tóraǵasynyń birinshi orynbasary N.Baıqadamov, Qyzylorda oblysynyń kásipkerlik jáne týrızm basqarmasy basshysynyń orynbasary Q.Datqabekova, Jastar resýrstyq ortalyǵynyń «Jastar jáne jastar uıymdarymen jumys jasaý» bóliminiń aǵa keńesshisi J.Dosmahanov qatysyp, óz oılarymen bólisti.
Forým barysynda memleket tarapynan shaǵyn jáne orta kásipkerlikti qoldaýǵa baǵyttalǵan túrli baǵdarlamalar, jańa kásipkerlik túrleri týraly baıandalyp, jastarǵa keńester aıtyldy.
Sondaı-aq, jas kásipkerler M.Qanıev, N.Qazbergenov jáne Qazaly qalasyndaǵy Ortalyq alańǵa «Demalys oıyn-saýyq ornyn» uıymdastyrýdy qolǵa alǵan J.Jubanǵanov óz pikirlerin bildirdi.
Shara sońynda aýdan boıynsha shaǵyn kásipkerlikti damytýda belsendilik tanytyp júrgen bir top jas kásipkerler aýdan ákiminiń, «Nur Otan» partııasy Qyzylorda oblystyq fılıaly tóraǵasynyń jáne oblystyq salalyq basqarma basshylarynyń «Alǵys hattarymen» jáne baǵaly syılyqtarymen marapattaldy.
Elaman Qońyr.
Derek, sýret: egemen.kz.
