Kezdesý barysynda óńirdiń sporttyq ınfraqurylymyn damytý máseleleri, sondaı-aq, 2026 jylǵy maýsymda oblys atynan UEFA Konferensııalar lıgasyna qatysatyn «Elimaı» fýtbol klýbynyń aldaǵy damý bolashaǵy talqylandy.
Kezdesýge qatysýshylar kásibı sportty damytýdyń memleket pen bıznestiń seriktestigine negizdelgen, klýbtardyń uzaq merzimdi turaqtylyǵyn qamtamasyz etetin neǵurlym teńgerimdi úlgisine kóshý mańyzdy ekenin atap ótti. Bul tásil Prezıdent aıqyndaǵan sport salasyndaǵy jalpyulttyq basymdyqtarǵa sáıkes keledi.
Kezdesý barysynda ınfraqurylymdyq bazany damytýǵa, jas fýtbolshylardy daıarlaýǵa jáne aldaǵy maýsymdarda klýbtyń júıeli jumys isteýine qajetti jaǵdaılar jasaýǵa erekshe nazar aýdaryldy.
Aımaq basshysy memleket tarapynan óńirde fýtboldy damytýǵa qoldaý kórsetý jalǵasatynyn atap ótti.
KAZ Minerals Toby klýbtyń qyzmetin uıymdastyrýǵa, sonyń ishinde klýb komandalarynyń Qazaqstan Respýblıkasynyń ishki jarystaryna jáne Eýrokýboktarǵa qatysýyn qamtamasyz etýge qatysty mindettemelerin rastady.
Kezdesý qorytyndysy boıynsha taraptar fýtboldy jáne óńirdiń sporttyq ınfraqurylymyn damytýǵa baǵyttalǵan ózara is-qımyl formattaryn odan ári pysyqtaý jáne birlesken jumysty jalǵastyrýǵa múddeli ekenin bildirdi.
«Elimaı» fýtbol klýby – bul jaı ǵana sporttyq komanda emes, Abaı oblysynyń tarıhı jáne zamanaýı bolmysynyń bir bóligi. Biz úshin klýbtyń damýy ınfraqurylymǵa jáne jas sportshylardy daıarlaýǵa negizdelgen júıeli ári turaqty bolǵany mańyzdy. Memleket pen bıznestiń syndarly ózara is-qımyly óńirde fýtboldyń odan ári damýyn qamtamasyz etedi dep senemin», dedi Berik Ýálı.
«KAZ Minerals Management» JShS basqarma tóraǵasy Eldar Mamedov kompanııa óńirlerde uzaq merzimdi áleýmettik jobalardy iske asyryp kele jatqanyn atap ótti.
«Turan» fýtbol klýby satylymǵa shyǵaryldy
«KAZ Minerals óńirlerdegi kóptegen baǵytta, onyń ishinde sport ınfraqurylymy salasynda uzaq merzimdi áleýmettik jobalardy júzege asyryp keledi. Biz sportty damytýǵa óńirdiń bolashaǵyna salynǵan ınvestısııa retinde qaraımyz jáne qoǵamdyq mańyzy bar jobalar boıynsha birlese jumys isteýge ashyqpyz», dedi ol.
