Foto: sauda.e-qazyna.kz
Nysan zańsyz jolmen alynǵany anyqtalyp, 2023 jyly Qarjy mınıstrliginiń balansyna berilgen. Endi ǵımarat memlekettik aýksıon platformasynda satylymǵa qoıylmaq. Bastapqy baǵasy − 61 mlrd teńge. Bul somaǵa ǵımarattyń ózi jáne jer telimin jalǵa alý quqyǵy kiredi.
Kaisar Plaza – avtoturaǵy men panoramalyq qabaty bar toǵyz qabatty saýda-keńse ortalyǵy. Qazirgi tańda munda 53 uıym jalǵa alýshy retinde ornalasqan. Olardyń qatarynda iri bankter, buqaralyq aqparat quraldary jáne qoǵamdyq tamaqtaný oryndary bar.
Qaıtarylǵan aktıvter tizimine budan bólek Kaisar Towers bıznes-ortalyǵy, DoubleTree by Hilton qonaqúıi, «ArSat» jáne Maisat bıznes-ortalyqtary, «Megataý» saýda úıi, «Baısat» bazary jáne «Optımým» bıznes-ortalyǵy engen.
Aýksıonǵa qatysý úshin kepildik jarna kólemi 9,2 mlrd teńgeni quraıdy. Saýda-sattyq 7 sáýirde bastalady.
Buǵan deıin qaıtarylǵan aktıvterdiń qataryndaǵy «Baısat» bazary da birneshe ret satylymǵa shyǵarylǵany habarlanǵan edi. 2025 jyldyń jeltoqsanynda onyń baǵasy shamamen 26,7 mlrd teńge bolsa, qarashada – 28 mlrd teńge bolǵan. Al 2026 jyldyń qańtaryna qaraı quny 24,7 mlrd teńgege deıin tómendetilgen.
