Foto: Týrızm jáne sport mınıstrligi
Mınıstrliktiń málimetinshe, negizgi is-sharalardyń biri – Mańǵystaý oblysy ákimdigi uıymdastyratyn «Amal keldi – jyl keldi» mádenı merekesi. Mereke dástúr boıynsha Naýryz meıramynan bir kún buryn 13 naýryzda Otpan taý kıeli kesheniniń aýmaǵynda ótedi. Is-shara birlik, sabaqtastyq jáne rýhanı jańǵyrý qundylyqtaryn dáripteıdi. Baǵdarlamada ulttyq oıyndar, konserttik qoıylymdar, qolóner kórmeleri, sondaı-aq kıiz úılerde dástúrli taǵamdar usynylady. Merekeniń basty rásimi – jańa ómirlik kezeńniń bastalýyn jáne qoǵamnyń toptasýyn bildiretin birlik otyn jaǵý dástúri.
Sonymen qatar 21 naýryz kúni Shymkent qalasy ákimdiginiń uıymdastyrýymen qalada «Dastarhan» gastronomııalyq festıvali ótedi. Festıval gastronomııalyq týrızmdi damytýǵa, jergilikti qoǵamdyq tamaqtaný oryndaryn qoldaýǵa jáne óńirdiń gastronomııalyq ózindik ereksheligin nasıhattaýǵa baǵyttalǵan. Baǵdarlama aıasynda taǵamdardan dám tatý, aspaz sheberleriniń sheberlik sabaǵy, baıqaýlar men mádenı-oıyn-saýyq is-sharalary ótkiziledi. Bul bıznes ókilderi men qala qonaqtarynyń ózara baılanysyn nyǵaıtatyn ashyq alań qalyptastyrady.
Bul is-sharalar óńirlerdiń mádenı jáne gastronomııalyq baılyǵyn tanystyryp, el turǵyndary men qonaqtary úshin tartymdy ortalyqqa aınalady.
