«Kóptegen syn-qaterge jaýap retinde birinshi kezekte memleketimizdiń uzaqmerzimdi ornyqtylyǵyn nyǵaıtýdy maqsat etken aýqymdy reformalar júzege asyryldy. Prezıdent Toqaev jalań uran men popýlızmge jol bergen joq, ýaqytsha nátıjelerge de eshqashan ıek artqan emes. Memleket basshysy halyqtyń ál-aýqatyn jaqsartýǵa, ekonomıkalyq jáne saıası turaqtylyqty qamtamasyz etýge baǵyttalǵan eldiktiń myzǵymas berik tuǵyryn qalyptastyrý jolynda eńbek etip keledi», dedi Úkimet basshysy.
2025 jyly álemdik ekonomıkanyń ósimi 3,3%-dy qurasa, Qazaqstanda ishki jalpy ónim 6,5%-ǵa artqan. Jeti jyl ishinde nomınaldy IJО́ 1,7 esege ulǵaıyp, 2019 jylǵy 181,7 mlrd dollardan 2025 jyly 305,9 mlrd dollarǵa jetti. Jan basyna shaqqandaǵy IJО́ 9,8 myń dollardan 15 myń dollarǵa deıin ósti.
Prezıdent reformalary: Bilim men ǵylymdy qarjylandyrý bes eseden astam ósti
Ekonomıka qurylymynda da ózgeris bar. Buryn ósim kóbine syrtqy shıkizattyq konıýnktýraǵa táýeldi bolsa, qazir shıkizattyq emes sektorlar men ishki suranys negizgi qozǵaýshy kúshke aınalǵan. О́ńdeý ónerkásibi, qurylys, saýda, kólik jáne qyzmet kórsetý salalary ósimge eleýli úles qosyp otyr.
О́ńdeý ónerkásibiniń kólemi 2019 jylǵy 11,5 trln teńgeden 2025 jyly 30,63 trln teńgege deıin ósip, 2,5 eseden astam ulǵaıdy. IJО́ qurylymyndaǵy úlesi 11,4%-dan 12,7%-ǵa artsa, ken óndirýshi sektordyń úlesi 14,5%-dan 12%-ǵa deıin qysqarǵan.
О́ńirlerde jańa óndirister iske qosyldy. Qostanaı oblysynda KIA avtokólikterin shyǵaratyn jáne shoıyn quıý zaýyttary jumysyn bastady. Qaraǵandy oblysynda turmystyq tehnıka men avtomobıl shınalary óndiriledi. Atyraý oblysynda polıpropılen óndirisi jolǵa qoıyldy. Almaty oblysynda volfram konsentraty shyǵaryla bastady. Pavlodar oblysynda temirjol tehnıkasyna arnalǵan qosalqy bólshekter óndirisi iske qosylsa, Shymkentte alıýmınıı qaptama óndirisi men baǵaly metaldardy qaıta óńdeý kásiporyndary ashyldy. Bul jobalar ondaǵan iri zaýyt pen myńdaǵan jumys ornyn qamtıdy.
Bektenov: «Taza Qazaqstan» bastamasy qazaqstandyqtar tarapynan qoldaý tapty
Qurylys salasy da turaqty ósim kórsetip keledi. Tek ótken jyldyń ózinde 20 mln sharshy metrden astam turǵyn úı paıdalanýǵa berildi. Bul kórsetkish Pavlodar men Qostanaı qalalarynyń jalpy turǵyn úı qorynan asyp túsedi.
Halyqaralyq valıýta qory derekterine sáıkes, Qazaqstan álemdegi iri 50 ekonomıkanyń qataryna endi jáne ortasha jyldyq ósim qarqyny boıynsha alǵashqy bestiktiń ishinde tur. Al World Competitiveness Center jarııalaǵan World Competitiveness Ranking reıtınginde elimiz jahandyq básekege qabilettilik ındeksi boıynsha 34-orynǵa ıe boldy.
Maqalada ekonomıkanyń «bir salaǵa baılanyp qalǵan» modelinen arylǵany aıtylǵan. Ken óndirý sektoryndaǵy ýaqytsha qubylýlar makroekonomıkalyq turaqtylyqqa aıtarlyqtaı áser etpeıdi. Bul damýdyń teńgerimdi ári ornyqty úlgisine bet burǵandy kórsetedi.
Oljas Bektenov: Jańa Konstıtýsııa – bolashaqtyń strategııalyq tańdaýy
Premer-mınıstrdiń aıtýynsha, Qasym-Jomart Toqaev júrgizip otyrǵan ınvestısııalyq saıasat ekonomıkany jańǵyrtýdyń negizgi quraldarynyń birine aınalǵan. Jeti jyl ishinde negizgi kapıtalǵa salynǵan ınvestısııalar 12,6 trln teńgeden 22,7 trln teńgege deıin ósti. Qarjynyń basym bóligi óńdeý ónerkásibine, ınfraqurylymǵa, energetıkaǵa, logıstıka men agroónerkásip keshenine baǵyttalǵan.
Osylaısha, sońǵy jeti jylda júzege asqan reformalar ekonomıkanyń sapaly ózgerýine jáne uzaqmerzimdi ornyqtylyqtyń nyǵaıýyna negiz qalap otyr.
