Foto: freepik
Qazaqstannyń ónerkásiptik ınvestorlar odaǵynyń prezıdenti Qaırat Elamanovtyń aıtýynsha, Úkimetpen birlesip aýqymdy daıyndyq jumystary júrgizilgen. Ishki saýda qaǵıdalaryna ózgerister engizilip, memlekettik organdardyń qajetti túsindirmeleri alynǵan.
Sala ókilderiniń sózinshe, baǵdarlama toqtap turǵan joq. Iske qosý jumystary ótken jyldyń sońynan beri jalǵasyp keledi. Degenmen bir másele túbegeıli sheshilmeı otyr.
Qaırat Elamanov atap ótkendeı, eger kólikti lızıng arqyly rásimdegen júrgizýshi jol qozǵalysy erejesin buzsa, aıyppul avtomatty túrde kólik ıesi retinde lızıngtik kompanııaǵa keledi. Aıyppul ýaqytynda tólenbegen jaǵdaıda kompanııanyń shottary buǵattalýy múmkin. Bul – ári kompanııa, ári klıent úshin táýekel. Dál osy quqyqtyq olqylyq avtolızıngtiń belsendi damýyn tejep otyr.
Soǵan qaramastan baǵdarlamaǵa qyzyǵýshylyq bar. Dılerlik ortalyqtar, óndirýshiler men dıstrıbıýtorlar azamattardan ótinishterdi qabyldap jatyr.
Mańyzdy jaıt – avtolızıng naryqtyq talaptarmen jumys isteıdi, ıaǵnı burynǵy sýbsıdııalanǵan avtonesıe baǵdarlamalaryndaǵydaı kepildendirilgen jeńildikter qarastyrylmaǵan. 24.kz málimetinshe, bul quraldyń tartymdylyǵy onyń sharttaryna, mólsherlemesine jáne ıkemdiligine baılanysty bolmaq.
Avtosarapshy Alekseı Alekseevtiń pikirinshe, lızıng kólik satyp alýdyń qosymsha ári tıimdi tásiline aınalýy tıis. Onyń aıtýynsha, eger lızıng shynymen tıimdi bolsa, avtosatý kólemi artyp, eldegi avtopark jańarady.
Sarapshylardyń baǵalaýynsha, avtolızıng naryqtan óz ornyn taba alady. Alaıda onyń keń taralýy úshin:
- Quqyqtyq olqylyqtardy joıý;
- Rásimderdi naqtylaý;
- Qarjylyq turaqtylyqty kúsheıtý qajet.
Qysqasha aıtqanda, avtolızıngtiń nesıege tolyqqandy balamaǵa aınalýy quqyqtyq máselelerdiń qanshalyqty jedel sheshiletinine baılanysty.
Avtolızıng baǵdarlamasy iske qosylyp, mólsherleme tómendetildi
