Sarapshynyń aıtýynsha, 10 paıyz mólsheri kezdeısoq tańdalmaǵan. Tómen úles aıtarlyqtaı nátıje bermeıdi, al joǵary úles kópshilikke bastapqy kezeńde aýyr tıedi. Máselen, aılyq tabys 300 myń teńge bolsa, onyń 30 myń teńgesin tabys túsken kúni bólek shotqa aýdarý usynylady. Qalǵan shyǵyndar sodan keıin josparlanýǵa tıis. Bul tásil adamnyń shyǵyn qurylymyn qaıta qaraýǵa jáne tabysty basqarýǵa úıretedi.
«Tabysy 420 myń teńge bolatyn azamat 6 aı ishinde 10 paıyzdyq qaǵıdany saqtaı otyryp, 252 myń teńge jınaqtaǵan. Onyń 80 myń teńgesin 12 paıyzdyq mólsherlememen depozıtke ornalastyryp, passıv tabys ala bastaǵan. Nátıjesinde qarjylyq senim kúsheıip, aı sońyndaǵy turaqsyzdyq azaıǵan. Qarapaıym esepke súıensek, aıyna 400 myń teńge tabys kezinde 10 paıyzy 40 myń teńgeni quraıdy. 12 aıda 480 myń teńge jınalady. Eger bul qarajat 10 paıyzdyq jyldyq tabystylyqpen ınvestısııalansa, qosymsha 48 myń teńge kiris ákeledi. 5 jyl ishinde paıyzdy qaıta ınvestısııalaý arqyly kapıtal 3 mln teńgeden asady. Siz ózińizge birinshi tólem jasamaıynsha baıymaısyz. Bul Vavılonda da, XIX ǵasyrdaǵy Londonda da, qazirgi Qazaqstanda da jumys isteıtin zań», deıdi ekonomıst.
Balalarǵa qarjylyq saýattylyqty úıretetin mýltfılm shyǵaryldy
Sarapshy bul qaǵıdany engizý úshin bólek shot ashyp, qarajatty tabys túsken kúni aýdarýdy, ony kúndelikti shyǵynǵa jumsamaýdy jáne aı saıyn jınaq kólemin esepke alýdy usynady. Onyń pikirinshe, dál osy qarapaıym tártip uzaq merzimdi qarjylyq turaqtylyqtyń negizin qalaıdy.
Qazaqstanda qaryz alýshynyń qarjylyq júktemesin esepteýdiń jańa tásili engiziledi
