Shyǵys Qazaqstan oblysynda aýdan ákimi taǵaıyndaldy

О́SKEMEN. 13 mamyr. Shyǵys Qazaqstan oblysynyń ákimi Danıal Ahmetovtiń ókimimen Ramıl Nyǵmetshanuly Saǵandyqov Kókpekti aýdanynyń ákimi bolyp taǵaıyndaldy. Bul týraly egemen.kz tilshisi habarlady. Jańa basshyny aýdan aktıvine oblys ákiminiń orynbasary Jaqsylyq Omar tanystyrdy. Ramıl Saǵandyqov 1967 jyly týǵan. Kókpekti aýdanynyń Kókpekti aýylynyń týmasy. 1991 jyly Semeı zootehnıkalyq-mal dárigerlik ınstıtýtyn, 2014 jyly Qazaq ınnovasııalyq gýmanıtarlyq-zań ýnıversıtetin bitirgen. Eńbek jolyn Kókpekti aýdanynyń Úlkenbóken aýylynyń «Shegelek» sovhozynyń №3 fermasynda jumysshy bolyp bastaǵan. Instıtýtty bitirgennen keıin 1991-1994 jyldary mal dárigeri, ferma meńgerýshisi boldy. 1995-1998 jyldary «Shegelek» AQ-ynda bas mal dárigeri, 1998-2000 jyldary atalǵan kásiporynda dırektordyń orynbasary, 2000-2010 jyldary «Shegelek LTD» JShS dırektory bolyp eńbek etti. 2010 jyldan 2011 jylǵa deıin Kókpekti aýdanynyń Úlkenbóken aýyldyq okrýginiń ákimi, 2011 jyldyń tamyz aıynan bastap Kókpekti aýdany ákiminiń orynbasary, sońǵy bes aıda atalǵan aýdan ákiminiń mindetin atqarýshy bolyp qyzmet etti. Dýman Anash, Derek: egemen.kz Sýret: Shyǵys Qazaqstan oblysy ákiminiń baspasóz qyzmeti.