Áńgime memleket ústemeaqy kólemine shekteý qoıǵan áleýmettik mańyzy bar azyq-túlik taýarlarynyń (ÁMAT) tizimine engizilgen ónimder týraly bolyp otyr. Tekserý barysynda kartop, sábiz, kúrish, alma jáne basqa da negizgi tutyný taýarlarynyń baǵasyn negizsiz kóterý derekteri anyqtalǵan. Keıbir saýda núktelerinde ústemeaqy mólsheri belgilengen deńgeıden 50 paıyzdan asyp ketken.
Úkimette dári-dármektiń shekti baǵasyn qalyptastyrý máselesi qaraldy
Baqylaý sharalary Memlekettik kirister departamenti usynǵan elektrondyq shot-faktýralar negizinde júrgizilgen. Mamandar taýardyń satyp alý qunyn dúkenderdegi sońǵy satylym baǵasymen salystyryp, naqty qoldanylǵan ústemeaqy kólemin anyqtaǵan. Mundaı tásil tek qarjylyq qujattarǵa súıenýge múmkindik berip, tekserý barysynda sýbektıvtilikti boldyrmaıdy.
Vedomstvo málimetinshe, baǵa shekteýleriniń saqtalýy turaqty baqylaýda. Monıtorıng iri saýda jelilerin de, shaǵyn dúkenderdi de qamtıdy. Zańbuzýshylyq anyqtalǵan jaǵdaıda kásipkerlerge ony joıý týraly nusqama berilip, ákimshilik aıyppul salynady.
Mamandar áleýmettik mańyzy bar taýarlardyń baǵasyn retteý eń aldymen halyqtyń, ásirese áleýmettik osal toptardyń múddesin qorǵaýǵa baǵyttalǵanyn atap ótedi. Naryqtaǵy qubylmalylyq pen shyǵyndardyń ósýi jaǵdaıynda memleket birinshi kezektegi azyq-túlik baǵasynyń negizsiz qymbattaýyna jol bermeýge kúsh salady.
Atyraýda azyq-túlik baǵasyn negizsiz ósirgen kásipkerler jaýapqa tartyldy
