Foto: TJM
Oblystyq densaýlyq saqtaý basqarmasynyń 4 naýryz tańǵy saǵat 06:00-degi deregine súıensek, medısınalyq kómekke 11 adam júgingen, onyń 4-i – balalar. Bir bala Semeı medısınalyq ýnıversıtetiniń balalar bólimine jatqyzylyp, qalǵan úsheýi ambýlatorlyq em alýǵa jiberilgen. Taǵy 7 eresek adamnyń 4-i aýrýhanaǵa jatqyzylsa, qalǵan 2-ine oqıǵa ornynda kómek kórsetilgen. Taǵy 1 adam tekserilýden bas tartqan.
Tótenshe jaǵdaılar departamentiniń málimetinshe, oıyn aımaǵynan bastalǵan órt ǵımarat ishindegi tez janǵysh materıaldardyń áserinen qas-qaǵymda órship ketken. Qoıý tútin men laýlaǵan jalyn qutqarýshylardyń jumysyn qıyndatqanymen, órt saǵat 22:08-de tolyqtaı sóndirilgen. Ákimshilik ókilderiniń aıtýynsha, kelýshiler men qyzmetkerler der kezinde óz betinshe evakýasııalanyp úlgergen.
Polısııa departamenti bul oqıǵa boıynsha tıisti saraptamalar taǵaıyndalǵanyn jáne órttiń shyǵý sebebi men oǵan qatysy bar tulǵalardyń anyqtalyp jatqanyn habarlady.
