Foto: Erlan Omar (EQ)
Saltanatty is-sharaǵa fılologııa ǵylymdarynyń doktory, professor Tursyn Jurtbaı qatysyp, Alash rýhanııaty týraly sóz sóıledi.
«Álıhan Bókeıhan jáne ol túıindep bergen ıdeıa nátıjesinde qazaqtyń táýelsizdik nysanasy bekidi. Ol qazaqtyń múddesine keshegi kúni qyzmet etken, búgin de, erteń de qyzmet ete beredi. Ult kóshbasshysynyń ómiri men shyǵarmashylyǵyna baıypty kózqaras, syndarly zertteý áli de qajet. Jurt isinde jumylatyn jastar barda Álekeńniń tikken týy qashanda bıik bolady», dedi T. Jurtbaı.
Rasynda, Álıhan Bókeıhan batqan kúnniń shuǵylasynan emes, atar tańnyń shapaǵynan kóp úmit kútti. Oqyǵan jastarǵa senim artyp, el keleshegin solardyń bilim-biligi men azamattyq jaýapkershiligine tapsyrdy. «Biz – sýdy teris aǵyzǵan atanyń balasymyz» dep árýaqty babalarǵa ıyq tireı otyryp, «alda áli kúndi kóre biletin urpaq keledi» dep erteńge eljireı qaraıdy. Saltanatty rásimde alashtanýshy, professor Aıgúl Ismaqovanyń da sózi osy oıdy qýattady.
«Biz beıbit halyqpyz. Sonymyzben basqaǵa úlgi kórsetip kelemiz. Adamdyq muratty bárinen joǵary qoıatyn tolerantty, zaıyrly memleket – eldiń baqyty. Munyń basynda Álıhan Bókeıhan tujyrymdaǵan Alash ıdeıasy tur», dedi A. Ismaqova.
Taǵylymdy is-sharada Alash ardaqtylaryna taǵzym etilip, árýaqtaryna quran baǵyshtaldy.
