Iran basshysy qaqtyǵystyń aldyn alyp, beıbit sheshim tabý maqsatynda kelissózder men ózara túsinistikke negizdelgen saıasat ustanýǵa umtylǵandaryn, alaıda AQSh pen sıonıstik kúshterdiń áskerı agressııasy jaǵdaıdy kúrdelendirip jibergenin alǵa tartty.
Irannyń drony Ázerbaıjan aýmaǵyna qulady: Shekaraǵa ásker toptastyrylyp jatyr
«Olar bizge óz egemendigimizdi jáne halqymyzdyń qaýipsizdigin qorǵaýdan basqa tańdaý qaldyrmady. Bizdiń maqsatymyz – soǵysty keńeıtý emes. Biz árdaıym aımaqtaǵy beıbitshilik pen turaqtylyqty qoldaımyz. Sonymen qatar kez kelgen memleket sııaqty óz aýmaǵymyzdy, ulttyq qaýipsizdigimizdi jáne halqymyzdyń ómirin qorǵaýǵa tolyq quqyǵymyz bar. Biz sizderdiń elderińizdiń egemendigi men aýmaqtyq tutastyǵyn qurmetteımiz. Aımaqtaǵy qaýipsizdik pen turaqtylyq tek syrtqy kúshterdiń aralasýymen emes, óńir memleketteriniń ózara yntymaqtastyǵy, ózara qurmeti jáne birlesken kúsh-jigeri arqyly qamtamasyz etilýi tıis dep sanaımyz», delingen Iran Prezıdentiniń úndeýinde.
Pezeshkıan barlyq dostas jáne kórshiles memleketterdi aımaqtaǵy beıbitshilik pen turaqtylyqty saqtaýǵa baǵyttalǵan dıalog pen ózara qoldaýdy jalǵastyrýǵa shaqyrdy.
«Bizdiń ortaq maqsatymyz – halyqtarymyzdyń qaýipsizdigi men bolashaǵyn qamtamasyz etetin turaqty ári beıbit óńir qalyptastyrý», dedi ol.
AQSh-tyń Irandaǵy mektepke jasalǵan shabýylǵa qatysy bar ma?
